සිරකරුවෙකුගේ සිඳිනු ලැබූ හිසකට පා පහර එල්ල කරන්නට කුඩා දරුවෙකු උනන්දු කරවනා පියෙකු දැක්වෙන ඡායාරූප පෙළක් අයිඑස් අන්තවාදීන්ගේ බළකොටුව ලෙස සැළකෙන සිරියාවේ රකා නගරයේ රහසිගතව කි්රයාත්මක වන අයිඑස් විරෝධී සංවිධානයක් අන්තර්ජාලයට එක් කර ඇත.
හද කම්පා කරවනසුලූ මෙම ඡයාරූපයන්ගේ හිසට පාපහර දෙන කුඩා දරුවාට අමතරව හිස් ගසා දැමුණු තවත් පුද්ගලයෙකුගේ කවන්ධය අසළ බලා සිටිනා වයස අවුරුදු 10 ක් පමණ යැයි සිතිය හැකි කුඩා දරුවන් පිරිසකගේද ඡායාරූපයන් වේ.
අයිඑස් අන්තවාදීන් කුඩා දරුවන්ටත් අන්තවාදය උගන්වන බව අනාවරණය වූ අවස්ථා ගණනාවක් පසුගිය සමයේ දැකගත හැකිවූ අතර කුඩා දරුවන්ට ගිනි අවි පුහුණුව පවා දීමට අන්තවාදීන් කටයුතු කරන බව හෙළි විය.
සිරියාවේ රකා නගරය මේ සියලූ නරුම කි්රයා වල මූලස්ථානය වී තිබෙන අතර අන්තවාදීන් සැප විදිද්දී නගරයේ වැසියන්ට දරුණු නීති රීති වලට යටත්ව දිවි ගෙවීමට සිදුව ඇත.යන්තමින් හෝ නීතියකට එපිටින් ගියහොත් ලැබෙනුයේ දැඩි දඬුවම්ය.
අන්තවාදීන්ට එරෙහි සටනට මේ වන විට ඇමරිකාව,බි්රතාන්යය වැනි ලෝක බලවතුන් එක්ව සිටියද අයිඑස් සංවිධානය දුර්වල වන බවක් පෙනෙන්නට නැත.ඔවුහු නොනවත්වාම ප්රහාර එල්ල කරමින් සිටිති.ඉරාකයේ තෙල් නිධි බොහෝමයක් අත්පත් කරගෙන සිටින ඔවුහු ඒවායින් තමන්ට අවැසි අවි මිලදී ගැනීමට මුදල් උපයා ගනිති.
අයිඑස් අන්තවාදීන්ට ගුවන් බළ ඇණියක්ද තිබෙන බවටද තොරතුරු පසුගිය සමයේ ඔවුන්ට අයත් යැයි සැළකෙන පුහුණු ගුවන්යානයක් බිම හෙළීමෙන් පසුව හෙළි විය.
