ලෝක සෞඛ්‍ය සංවිධානයේ නවතම වාර්තාවක් කියයි
උපුල් වික්‍රමසිංහ
ලෝක ජනගහනයෙන් බිලියන එකකට වැඩි පිරිසක් කාංසාව හා ආතතිය වැනි මානසික ආබාධවලින් පෙළෙන බව ලෝක සෞඛ්‍ය සංවිධානය පසුගිය 2 වැනිදා නිකුත් කළ නවතම නිවේදනයක දැක්වේ.
එම වාර්තාව අනුව සෑම රටකම සියලු වයස් කාණ්ඩවලට අයත් පිරිස් මානසික ආබාධවලින් පෙළෙන බව සොයාගෙන ඇති අතර විවිධ මට්ටම්වල ආදායම් ලබන්නන් ද ඒ අතර සිටින බව හෙළි වී තිබේ.
දිගුකාලීන ආබාධ තත්ත්ව හට ගැනීමට සහ නිරෝගිමත් දිවිපෙවෙතක් අහිමිවීමට බලපාන හේතු අතර මානසික ආබාධ දෙවැනි තැන ගන්නා බව ද එම වාර්තාවෙන් පෙන්වා දෙයි.
