(වසන්ත චන්ද්‍රපාල)
අම්පාර අක්කරපත්තුව පොලිස් බල ප්‍රදේශයේ සාගම අලිකම්බේ ප්‍රදේශයේ දී හක්ක පටස් නැමැති පුපුරණ ද්‍රව්‍ය සපා කෑ ඇත් පැටවෙකු මිය ගොස් තිබේ.
අවුරුදු 07 ක් පමණ වයසැති මෙම ඇත් පැටවා ගේ උස අඩි පහයි අගල් හතකි.
සාගම සහ ඒ අවට වනගත ප්‍රදේශ වල මෙම ඇත් පැටවා සැරි සරමින් සිටි අතර කිසියම් පුද්ගලයකු විසින් සතුන්ට යොදන හක්ක පටස් හැපීමෙන් මෙම අලියා ගේ මුඛ පෙදෙස බරපතල ලෙස තුවාල ලබා තිබේ.
මියගිය ඇතාගේ පශ්චාත් මරණ පරීක්ෂණ අම්පාර වනජීවී සෞඛ්‍යය ඒකකයේ පශු වෛද්‍යය නිහාල් පුෂ්පකුමාර මහතා විසින් සිදු කරනු ලැබිය.
හක්ක පටස් හැපිමෙන් කටට සිදුවි බරපතල තුවාල නිසා දින ගනණාවක් නිරාහාරව සිටීමෙන් මෙම ඇත් පැටියා මියගොස් ඇති බව පශ්චාත් මරණ පරීක්ෂණ පැවැත්වු පශු වෛද්‍යය නිහාල් පුෂ්පකුමාර මහතා නිගමනය කර තිබේ.
