අනීෂා මානගේ
අම්බලන්තොට ප්‍රදේශයට හෙරොයින් මත්කුඩු බෙදාහැරීමේ නිතර වූ ජාවාරම්කරුවෙක් හෙරොයින් මත්කුඩු මිලිග්‍රෑම් දෙදහස් හැත්තෑවක් අඩංගු පැකට් 24ක් සමඟ අත්අඩංගුවට ගත් බව පොලිස් විශේෂ කාර්ය බළකායේ අම්බලන්තොට කඳවුරේ නිලධාරීහු පවසති.
ජාවාරම්කරුගෙන් හෙරොයින් මිලදී ගැනීමට පැමිණියේ යැයි කියන තවත් පුද්ගලයන් දෙදෙනෙකුද අත්අඩංගුවට ගත් බව නිලධාරීහු පවසති.
මෙලෙස අත්අඩංගුවට පත්ව ඇත්තේ කටුවන ප්‍රදේශයේ පදිංචි 31 හැවිරිදි අයෙක් සහ හෙරොයින් මත්කුඩු මිලදී ගැනීමට පැමිණියේ යැයි කියන අම්බලන්තොට මාමඩල ප්‍රදේශයේ පදිංචි තිස්දෙකක් සහ තිස්හය හැවිරිදි අයවලුන් වේ.
ජංගම දුරකථන දෙකක්, රිදී මාල දෙකක්, රත්තරන් කරාබු දෙකක්, රිදි හා රත්තරන් මුදු දෙකක්, ව්‍යාජ හැදුනුම්පතක් සහ සැකකරුගේ හැදුනුම්පත පොලිස් බාරයට ගෙන තිබේ.
