(සිරිනිහාල් ගමගේ )
තෙලිකඩ පොලිස් වසමේ ගිනිමැල්ලගහ බටහිර පිහිටි පෞද්ගලික ආයතනයක් පරික්ෂාවට ලක්කළ පොලිස් නිලධාරින් විසින් ගංජා හා මත්පෙති යැයි සැකකරන පෙති සමඟ සැකකරුවන් එකොලොස් දෙනකු හා සැකකාරියන් තිදෙනකු අත්අඩංගුවට ගත් බැව් තෙලිකඩ පොලිසිය පවසයි.
මෙසේ අත්අඩංගුවට ගත් සැකකරුවන් අතර එම ආයතනයේ හිමිකරුද සිටින බවත් එම සැකකරුවන් හා සැකකාරියන් 14 දෙනා වයස අවුරුදු විසිහතට අඩු වයස් වල අය බවත් පොලිසිය කියයි.
ඔවුන් නුවර ,ගාල්ල ,හික්කඩුව හා ගාල්ල ආශ්‍රිත ප්‍රදේශවල පදිංචි ස්ථිර රැකියාවන් නොකරන අයවලුන් බවද පැවසේ.
සිද්ධිගත ස්ථානයේ නොයෙකුත් විෂ මත් ද්‍රව්‍ය පරිහරණය කරමින් විනෝද වෙමින් සිටින බවට පොලිසියට ලැබුණු තොරතුරකට අනුව පොලිස් බුද්ධි නිලධාරින්ද යොදවා තොරතුරු ලබා ගෙන මෙම වැටලිම සිදුකර සැකකරුවන් අත්අඩංගුවට ගෙන තිබේ
