(මොහොමඩ් ආසික්)
පූජාපිටිය පොලිස් බල ප්‍රදේශයට අයත් බොක්කාවල පහළ හිඟුල්වල ප්‍රදේශයේ දී පුවක් ගසක් කඩා වැටීමෙන් 47 හැවිරිදි විවාහක පුද්ගලයෙකු මිය ගොස් ඇති බව පොලීසිය කියයි.
අද (6) පෙරවරුවේ මෙම පුද්ගලයා පුවක් කැඩීම සඳහා පුවක් ගසකට නැඟ ඇති අතර පුවක් අත්තක් කඩද්දී ගස කඩාගෙන අසලින් යන එකලා විදුලි රැහැනකට වැටී ඇති අතර එහිදී ඔහු විසි වී අසල ප්‍රපාතයකට වැටීමෙන් බරපතල තුවාල ලබා තිබේ. ඒ අවස්ථවේදීම ප්‍රදේශවාසින් මොහු රෝහලට ගෙන ගියද ඒ වන විටත් මිය ගොස් තිබේ.
මෙසේ මිය ගොස් ඇත්තේ පහළ හිඟුල්වල ප්‍රදේශයේ පදිංචිව සිටි ශාන්ත කරුණාරත්න නැමැති විවාහක පුද්ගලයෙකි.
මොහුගේ මෘත ශරිරය මේ වන විට පශ්චාත් මරණ පරීක්ෂණය සඳහා මහනුවර මහ රෝහලට යොමු කර ඇති බවත් පොලිසිය කියයි.
පූජාපිටිය පොලිසීය වැඩි දුර පරීක්ෂණ පවත්වයි.
