ක.ග කරුණාරත්න 
 
මේ දිනවල පවතින අධික වර්ෂාව හේතුවෙන් පොලොන්නරුව පරාක්‍රම සමුද්‍රයේ ජලය අද (09) දහවල් වනවිට පිටාර මට්ටමට ඉහළ නැගීම නිසා  එහි වාන් දොරටු 10 න් 04 ක් අඩි 01 බැගින් විවෘත කිරීමට පියවර ගත් බව පොලොන්නරුව කලාප වාරිමාර්ග අධ්‍යක්ෂ එස්.කේ හේවාගම මහතා පවසයි.
 
මෙම වාන් දොරටු විවෘත කිරීම නිසා තත්ත්පරයකට ඝන අඩි 560 ක ජල ධාරිතාවක් ජලාශයෙන් පිටවන බව ඒ මහතා කීය.
 
වර්ෂාව තවදුරටත් අඛණ්ඩව පැවතුණහොත් තවත් වාන් දොරටු කිහිපයක් විවෘත කිරීමට සිදුවනු ඇතැයිද කලාප වාරිමාර්ග අධ්‍යක්ෂක වරයා සඳහන් කළේය.