(රොමේෂ් මධුෂංඛ)
මුලතිව් වට්ටුවාක්කල් පාලම දෙපස ගැඹුරු කොට පුළුල් කිරීමේ ව්‍යාපෘතිය මැතිවරණය අවසන් වූ පසුව සිදුකිරීමට පියවර ගන්නා ලෙසට මුලතිව් මැතිවන සහකාර කොමසාරිස් කාර්යාලය දැනුම් දී ඇත.
පසුගිය සතියේදී හිටපු ධීවර හා ජලජ සම්පත් අමාත්‍ය ඩගලස් දේවානන්ද මහතා විසින් නන්දිකඩාල් කලපුවේ හා වට්ටුවාක්කල් පාලම දෙපස ධීවර කටයුතුවල නිරත වන ධීවරයින්ගේ ඉල්ලීමකට අනුව එම ප්‍රදේශයන් ගැඹුරු කිරීමේ ව්‍යාපෘතියක් සඳහා පියවරගෙන තිබිණි.
කෙසේ වෙතත් ඊයේ දින අදාළ ව්‍යාපෘතිය ක්‍රියාවට නැංවීම සඳහා නිලධාරීන් පිරිසක් අදාල ප්‍රදේශයට ගොස් කළ නිරීක්ෂණ අතරතුරදී, එම ස්ථානයට පොලිස් නිලධාරීහු හා මැතිවරණ නිරීක්ෂණ නිලධාරීහු පැමිණ එම කාර්ය නවතා දමන ලෙසටත් එම කටයුතු මැතිවරණයෙන් දින 7 කට පසුව සිදු කරන ලෙසට දැනුම් දුන්හ.
කැනීම් හා නිරීක්ෂණ කටයුතු එලෙස නැවත්වීමට එරෙහි ධීවරයින් පිරිසක් විරෝධය පළ කර අතර පොලීසිය විසින් එම තත්වය පාලනය කරන ලදී.
