( උපාලි රණවීර)
දොම්පේ දිස්ත්‍රික් රෝහලේ පවතින සේවක පුරප්පාඩු සදහා මෙතෙක් විසදුම් නොලැබීම නිසා රෝහලේ පළමු වාට්ටුව වසාදමා එහි රෝගීන් දෙවන වාට්ටුවට අනියුක්ත කිරීමට රෝහල් පාලන අධිකාරිය පියවර ගෙන ඇත.
මෙසේ වසාදමා ඇති වාට්ටුව උණ රෝගීන් නේවාසිකව ප්‍රතිකාර ලබන අතර , දෙවන වාට්ටුව තුවාල රෝගීන් ප්‍රතිකාර ලබන වාට්ටුව වේ. මේ සම්බන්ධයෙන් දොම්පේ දිස්ත්‍රික් රෝහලේ දිස්ත්‍රික් වෛද්‍යය නිළධාරී වෛද්‍යය අරලිය පෙරේරා මහතාගෙන් සිදකල විමසුමකදී ඒ මහතා සඳහන් කළේ මෙවැන්නකි.
‘රෝහලේ පවතින සේවක පුරප්පාඩුව මාස ගණනාවක සිටම තිබෙනවා.මේ නිසා රෝහලේ දෛනික කටයුතු පවත්වාගෙන යාම පවාඅසීරුයි .ඒ නිසා තමයි පසුගිය 23 වන සිකුරාදා ඉදලා මේ තීරණය ගත්තේ.
වෛද්‍යවරුන් ප්‍රමාණවත් ලෙස සිටියත් දැනට රෝහලේ සිටින්නේ කාර්යය මණ්ඩල සේවකයින් 27 ක් විතරයි. නමුත් සිටිය යුතු ප්‍රමාණය 48ක්. බාහිර රෝගී අංශයට මෙන්ම නේවාසිකව ප්‍රතිකාර ලබා ගැනීමට දෛනිකව රෝගීන් විශාල ප්‍රමාණයක් රෝහලට එනවා.
අලුතින් හදිසි අනතුරු ඒකකයක් ස්ථාපිත කොට තිබුණත් ඒ සදහාත් මේ දක්වාම කාර්යය මණ්ඩල සේවකයින් ලබාදි නැහැ.එහි කටයුතු ආරම්භ කිරීම මෙතෙක් ප්‍රමාද වන්නේද මේ හේතුව නිසයි.රෝහලේ සායනික කටයුතු පවත්වාගෙන යාමට පවා ගැටලු රාශියක් මතුවී තිබෙනවා.මේ සම්බන්ධයෙන් ඉහළ බළධාරීන් පෞද්ගලිකව හමු වීකරුණු වාර්තා කළත් ඒ සදහා විසදුම් මේ දක්වාම ලැබුණේ නැහැ. අප්‍රේල් මාසයයෙන් පසු රෝහල් සේවකයෙකු විශ්‍රාම යනවා ඒ වන විට කාර්යය මණ්ඩලය 26කි.
