(වයි. ඒ. එස්  වීරවංශ)

සෙවණගල හා සූරියවැව ප්‍රදේශයෙන් සොරකම්  කරන ලද මී ගවයන්, එළ ගවයන් සහ ගව මස්  කිලෝ150 කට අධික  ප්‍රමාණයක්  සමග දෙදෙනෙකු අද (09)  බලංගොඩ කහටපිටියේ දී අත්අඩංගුවට ගත්⁣ බව සෙවණගල  හා සූරියවැව  පොලිසිය පවසයි.

මීට දින  කිහිපයකට ඉහතදී මෙම  ගවයින්  සොරගෙන ඇති බවට ගවයින්ගේ අයිතිකරුවන්  අදාළ  පොලිසිවලට පැමිණිලි කර ඇත. ඒ අනුව  ලැබුණු තොරතුරකට අනුව බළංගොඩ කහටපිටියේ  ගවයන් මරණ ස්ථානයකදි මී ගවයන් දෙදෙනෙකු සහ  එළ ගවයින් 5දෙනෙකු  සොයා ගත් බව පොලිසිය  කියයි.

අත්අඩංගුවට  සැකකරුවන්,  ගවයින්  හා මස් තොගය  ඇඹිලිපිටිය  මහේස්ත්‍රාත්  අධිකරණයට  ඉදිරිපත් කිරීමට  නියමිතය.