(නිමන්ති රණසිංහ)
මෙරටට පැමිණි චීන ආරක්ෂක අමාත්යවරයා රැගත් විශේෂ රථ පෙළ ගුවන් තොටුපොළේ සිට කොළඹට එමින් සිටියදී රථවාහන රාජකාරියේ යෙදී සිටි පොලිස් නිලධාරීන්ට බාධා කළැයි බොරැල්ල පොලීසිය අත්අඩංගුවට ගත් තරුණයකු රුපියල් 50,000 ක ශරීර ඇපයක් මත මුදා හරින ලෙස කොළඹ අතිරේක මහේස්ත්රාත් රජින්ද්රා රාජසූරිය මහත්මිය අද 30 නියෝග කළාය.
රාජ්ය නායකයකු මෙරටට පැමිණීමේ දී පොලීසිය ගන්නා ක්රියාමාර්ගවලට තමන් අනුගත විය යුතු බවත්, මෙය ඕස්ට්රේලියාව නොව ලංකාව බැවින් මෙරට නීතියට අනිවාර්යෙන් අවනත විය යුතු බවත් සඳහන් කළ මහේස්ත්රාත්වරිය, සැකකරුට දැඩි ලෙස අවවාද කරමින් ඇප ලබා දුන්නා ය.
මෙලෙස ඇප මත මුදා හැරියේ පෙරේරා ගාඩ්න්, පැලවත්ත පදිංචි විජයරත්න මුදියන්සේලාගේ නාවින් මාධව (31) නමැත්තාය.
