(අංජුල මහීක වීරරත්න)
ලබන පාසල් වාරයේ සිට උසස් පෙළ සිසු සිසුවියන් සඳහා ටැබ් පරිගණකය ලබාදෙන බව අග්රාමාත්ය රනිල් වික්රමසිංහ මහතා ත්රිකුණාමලයේදී අද (27) පැවසීය.
එම යෝධ පියවර ගන්නා ආසියාවේ පළමු රට ශ්රී ලංකාව බව කී අග්රාමාත්යවරයා අධ්යාපනය නවීකරණය නොකිරීම රටට කරන අසාධාරණයක් බව ද සඳහන් කළේය.
‘සුහුරු පන්ති කාමර’, ‘සුහුරු පාසල්’ සහ ‘ටැබ් පරිගණක යන්ත්ර පහසුකම් සපුරාලමින් අනාගත තාක්ෂණ ලෝකයට ගැළපෙන පරපුරක් බිහිකිරීමට රජය කැපවී සිටින බව ද අග්රාමාත්යවරයා කීවේය.
දැනට පරිගණක ක්ෂේත්රයේ රැකියා 90,000ක පුරප්පාඩු තිබෙන බව කී අග්රාමාත්යවරයා ඒ පුරප්පාඩු සියල්ල ශ්රී ලාංකිකයන්ගෙන් පිරවීම සඳහා අවශ්ය අධ්යාපන පසුබිම සකස් කරන බව ද අග්රාමාත්ය රනිල් වික්රමසිංහ මහතා සඳහන් කළේය.
උතුරු නැගෙනහිර පළාත් ස්වේච්ඡා ගුරුවරුන් සඳහා පත්වීම් ලිපි ප්රදානය කිරීමේ උත්සවයට සහභාගී වෙමින් මේ බව පැවසූ අග්රාමාත්යවරයා ඉදිරියේදී ලබාදීමට නියමිත ටැබ් පරිගණක යන්ත්රයද එහිදී ජනතාව වෙත ඉදිරිපත් කළේය.
ත්රිකුණාමලය හින්දු සංස්කෘතික ශාලාවේදී මෙම උත්සවය පැවැත්විණි.
(ඡායාරූප - ගයාන් අමරසේකර)
