(සුජිත් හේවාජුලිගේ)
සංචාරක කර්මාන්තය වර්ධනය කිරීමේ පියවරක් ලෙස බේරේවැව සහ කටුනායක අතර ගෘහස්ථ ගුවන් ගමන් අද ආරම්භ කෙරිණ.
වරාය සහ සිවිල් ගුවන් සේවා නියෝජ්‍ය අමාත්‍ය ජනිත රුවන් කොඩිතුවක්කු හා සංචාරක නියෝජ්‍ය අමාත්‍ය මහාචාර්ය රුවන් රණසිංහ යන මහත්වරු සහ නිලධාරීහු පිරිසක් සිනමන් ගුවන් සමාගමට කොළඹ බේරේ වැව දක්වා අද උදේ පැමිණියහ.
ගුවනින්පැමිණි පිරිස පිළිගැනීමට ප්‍රවාහන අමාත්‍ය බිමල් රත්නායක ආරක්ෂක අමාත්‍යාංශයේ ලේකම් සම්පත් තුයියකොන්තා සහ ජෝන් කීල්ස් සමූහයේ සභාපති ක්‍රිෂාන් බාලේන්ද්‍රන් යන මහත්වරු එහි පැමිණ සිටියහ.
ප්‍රවාහන අමාත්‍යවරයා එම ගුවන් යානයට ගොඩ වී ගුවන් නියමුවා සමගද කතාබහ කළේය. මෙහිදී අදහස් දැක්වූ බිමල් රත්නායක මහතා පැවසුවේ අභ්‍යන්තර ගුවන් සේවා සඳහා ගුවන් සමාගම් වලට ආරාධනා කරන බවයි.
