(නාලක සංජීව දහනායක)
 
අයවැය අවසන් ඡන්ද විමසීමේදී ඡන්දය භාවිතා කිරීම පිළිබඳ අවසන් තීන්දුව අනිද්දා (4) පැවැත්වෙන එක්සත් ජනතා නිදහස් සන්ධාන පාර්ලිමේන්තු මන්ත‍්‍රී කණ්ඩායම් රැස්වීමේදී ගැනීමට අද (2) පැවැති පක්‍ෂයේ පාර්ලිමේන්තු කණ්ඩායම් රැස්වීමේදී තීරණය කළ බව ශ්‍රී ලංකා නිදහස් පක්‍ෂයේ මාධ්‍ය ප‍්‍රකාශක පාර්ලිමේන්තු මන්ත‍්‍රී රංජිත් සියඹලාපිටිය මහතා පැවැසීය.
 
එක්සත් ජනතා නිදහස් සන්ධාන පාර්ලිමේන්තු කණ්ඩායම් රැස්වීම ජනාධිපතිවරයාගේ හා විපක්‍ෂනායකවරයාගේ ප‍්‍රධානත්වයෙන් හෙට පස්වරු 4.00 ට පාර්ලිමේන්තු සංකීර්ණයේදී පැවැත්වෙන බවද මන්ත්‍රීවරයා සඳහන් කළේය.
 
ශ්‍රී ලංකා නිදහස් පක්‍ෂ පාර්ලිමේන්තු මන්ත‍්‍රී කණ්ඩායම් රැස්වීම ජනාධිපති මෛත‍්‍රීපාල සිරිසේන මහතාගේ ප‍්‍රධානත්වයෙන් අද (2) කොළඹ,මහගමසේකර මාවතේ පිහිටි ජනාධිපතිවරයාගේ නිලනිවසේදී පැවැත්විණ.
 
පස්වරු7.00 ට පමණ ආරම්භවූ මෙම රැස්වීම පැය දෙකහමාරකට ආසන්න කලායක් පැවැති බවද හෙතෙම සඳහන් කළේය.