70 හැවිරිදි ආබාධිත සැමියාත් 30 හැවිරිදි ආබාධිත තම දරුවාත් පෝෂණය කරමින් ඒ අයගේ සියළු වැඩ කරමින් ජීවත්වීමට ආධාර උපකාර ඉල්ලා මැති ඇමැතිවරුන් ළඟට වසර 16ක් ගමන් කරමින් ලිපි මල්ලක් තුරුළු කරන් සිටින 65 හැවිරිදි බිහිරි මවක් ගලේවෙල දේවහූව හිණුක්ගල ග‍්‍රාමයේ සිටින්නීය.

මෙම පවුලේ ගෘමුලිකයා වූ ඒ.ජී. පේ‍්‍රමදාස (70) වසර 12ක සිට ස්නායු ආබාධයකට ලක්වී ඇවිදගැනිමට නොහැකිව එක්තැන් වී සිටී. ඔහුගේ වාරුවට ඇත්තේ ගෙවත්තෙන් සොයාගත් ලී කැබලි දෙකක් සහ වාඩිවී සිටින පුටුවයි. අනෙක් සියළු අවශ්‍යතා සිදුකැර දෙන්නේ ඔහුගේ ආදරණීය බිරිඳ වන ශ‍්‍රවණාබාදයෙන් පෙළෙන කේ.ජී. ඤාණවතී (5) මහත්මියයි.

30 හැවිරිදි මන්ද මානසිකනත්වයෙන් පෙළෙන කතාකිරීමට නොහැකි සුගත් පේ‍්‍රමරත්න දරුවා රැකබලා ගැනීමටද මෙම මව දැඩි ලෙස වෙහෙසෙන්නීය.

මෙම දෙදෙනාගේ සියළු වැඩ නාවා කවා පොවා පිරිසිදුකැර කුමන හෝ වැඩක් කැරගෙන හා අසල්වැසියන්ගෙන් යමක් ඉල්ලාගෙන ජීවත් කරවීමේ කාර්යය පැවරී ඇත්තේද මෙම මවටයි.

ඔවුන්ගේ එකම බලාපොරොත්තුව වන්නේ නොතෙමී ඉන්නට නිවසක් කුසට අහරක් හා අඳින්නට වස්ත‍්‍ර කීපයක් මෙන්ම රෝද පුටුවකි.
මෙම දෙපලට තවත් දරුවන් තිදෙනෙකුද සිටිති. එම අයද විවාහ වී ඉතා අසරණව සිටින බවත් එම අයගෙන් ආහාර ටිකක් ලැබෙන බවද මව කීවාය.

ඔවුන්ට දේවහුව සමෘද්ධි බැංකුවේ ගිණුමක් ඇත.

ගිණුම් අංකය - 1004/3/22/2204

ගිනුමේ නම - කේ ජී ඥානවතී

ලිපිනය - හීනුග්ගල, දේවහුව.