‘‘ආණ්ඩුව විසින් අහිමිකළ ගොවි අයිතිවාසිකම් නැවත ලබා ගැනීමේ දැවැන්ත අරගලයකට ජවිපෙ සහය දෙනවා“ යැයි එම පක්ෂයේ ප්රධාන ලේකම් ටිල්වින් සිල්වා මහතා කියයි. එක්සත් ජාතික පක්ෂ ශ්රී ලංකා නිදහස් පක්ෂ හවුල් ආණ්ඩුවේ පළමු අයවැයෙන් මෙරට ගොවි ජනතාවගේ පොහොර සහනාධාරය කප්පාදු කරමින් ඔවුන්ට තිබූ එකම සහනයත් උදුරාගෙන ඇතැයි ද හෙතෙම කීය.
ඔහු මේ බව කිවේ සමස්ත ලංකා ගොවි ජන සම්මේලනය අම්බලන්තොට නගරයේ පවත්වාගෙන යන ගොවි සත්යග්රහයේ යෙදී සිටින ගොවියන් මුණ ගැසීමෙන් අනතුරුව ඔහු මාධ්යයට අදහස් දක්වමිනි.
ගොවි ජනතාවගේ සාධාරණ ඉල්ලීම්වලට ඇහුම්කන් නොදෙන්නේ නම් ඉදිරි ජනතා විරෝධතාවලට මුහුණ දෙන්න රජය සූදානම් විය යුතු බවත් ඔහු කීවේය.
