අද (10) මාතර නගරයේ මහා කලබලයකි. සයිරන් නළා හඩවමින් ගිලන් රිය රෝහලට විදුලි වේගයෙන් ඇදී ආහ. මාතර මහ නගර සභා ගිනි නිවන රිය, අධිවේගි මාර්ග පිවිසුමේ බසයක ගින්නක් නීවිමට ගියේද සයිරන් හඩවමිණි.

තුවාල කරුවෝ 55 දෙනෙක් රෝහලට ගෙන එනු ලැබූහ.

රෝහල් අධ්‍යක්ෂ දොස්තර පමල් සුදුසිංහ ඇතුළු රෝහලේ 174 දෙනෙක් වහ වහා තුවාල කරුවන් වාට්ටු වලට යැවූහ.

හදිසි අනතුරකදී තුවාල කරුවන් වහා රෝහල් ගත කිරීමේ අවශ්‍යතාවය දැක්වෙන මේ පෙරහුරුව සැබෑ ලෙසම ක්‍රියාත්මක විය. ‘අනතුර‘ සිදුවුයේ   දක්ෂිණ අධිවේගි මාර්ගයේ මාතර නිල්වලා පිවිසුම අසළදීය.

මාතර ආපදා කලමනාකරණ මධ්‍යස්ථානයේ මේජර් සමන් බාලසූරිය, ආපදා කළමණාකරන වෛද්‍ය නිලධාරි දොස්තර කේ.ඒ.රවින්ද්‍ර මහත්වරු  යුද හමුදාව , පොලිසිය හා මාර්ග සංවර්ධන අධිකාරිය හා එක්ව මේ වැඩසටහන ක්‍රියාත්මක කළහ.

ප්‍රදේශවාසීන් බොහෝ දෙනා සිතුවේ එය ඇත්තම අනතුරක් බවයි.

එය පුහුණුවක් පමණක් බව දැන ගත්තේ සිද්ධිය අවසානයේදීය.

ඡායාරූප-ක්‍රිෂාන් ජීවක ජයරුක්