(ජේ.කේ.එල් චාමින්ද)
මධ්‍යම අධිවේගි මාර්ගය ඇතුළු 2015 වර්ෂයේ සිට දැනට පවරාගෙන ඇති ඉඩම් කට්ටි 17,100ක් සදහා අදාල පුද්ගලයින් සියලු දෙනාට මේ වනවිට රුපියල් කෝටි 4000කට වඩා වන්දි මුදල්ලබා දි ඇති බව මහා මාර්ග හා මාර්ග සංවර්ධන අමාත්‍ය කබිර් හෂිම් මහතා අද (07) ගාල්ල ලබුදුවේදි පැවසිය.
රුපියල් ලක්ෂ 290 ක මුදලක් යොදවා කාපට් කරනු ලැබු ලබුදුව නරාවල ප්‍රධාන මාර්ගය ජනතා අයිතියට පත්කිරිම නිමිත්තෙන් අනතුරුව පැවැති උත්සවයේ දි ඇමතිවරයා මේ බව සදහන් කළේය.
ගාල්ල දිස්ත්‍රික් එජාප මන්ත්‍රි විජේපාල හෙට්ටිආරච්චි මන්ත්‍රිවරයාගේ ආරාධනයෙන් මේ සදහා එක්වු ඇමතිවරයා මෙසේද කිවේය.
2015 වර්ෂයේ මධ්‍යම අධිවේගි මාර්ගය ඇතුළු පවරාගත් ඉඩම් කට්ටි 17100ක් සදහා ම දැනට කොට් 4000ක් වන්දි ගෙවලා තියෙනවා.
වන්දි ගෙවමින් යනවා. හම්බන්තොට දිස්ත්‍රික්කයේ සුරියවැව අඩි 100 මාර්ගයේ ඉඩම් කට්ටි පවරා ගැනිම් වෙනුවෙන් පසුගිය රජය සත පහක මුදලක් වන්දි ලෙස ගෙවලා තිබුණේ නැහැ.
නමුත් අපේ රජය මගින් ඒ සදහා වන්දි ගෙවන්න රුපියල් මිලියන 275ක මුදලක් වෙන් කරලා තියෙනවා. පරණ පව් තමයි අපට ගෙවන්න වෙලා තියෙන්නේ.
රාපක්ෂ යුගයයේ 2010 සිට 2014 දක්වා පවරගත් ඉඩම් සදහා වන්දි මුදල් ගෙවලා තිබුණේ නැහැ. අපේ රජය මගින් රුපියල් කෝටි 6500ක් මුදලක් වන්දි වශයෙන් ගෙව්වා.උපයන ආදායම් වලින් පරණ පව් ගෙවන්න වෙලා තියෙනවා. පරණ වන්දි ගෙවනවා.
මේතරම් සංවර්ධනය වැඩ කරගෙන යනවා. නමුත් අපේ ප්‍රතිවාදින් නොයෙකුත් කථා කියනවා මේවා කියනවිට මට මතක් වෙන්නේ සිලවති සිල්අරගෙන මකුණෝ මරණවා කියන සිංදුවයි.
මේ ප්‍රශ්න නිර්මාණය වුනේ මේ වසර තුන ඇතුළත නෙවෙයි .පසුගිය වසර 20ක් තුල නිර්මාණය වු ප්‍රශ්නයි. අපට රජය භාර දුන්නේ ණය කන්දක් එක්ක.හත්ලත්ෂ හතලිස්එක් කෝටියක් ණයක් එක්ක තමයි අපිට භාර දුන්නේ ලෝක ආර්ථික අර්බුදයටත් මුහුණ දෙමින් සංවර්ධන කටයුතු කරගෙන යනවා.
මහා මාර්ග අමාත්‍යංශය මගින් කිලෝමිටර් 12600ක් මාර්ග පද්ධතියක් නඩත්තු කරනවා. ඒ දවස්වලට වඩා වැඩ අඩුයි කියලා කියනවා. මහින්ද රාජපක්ෂ රජයට දකුණු අධිවේගි මාර්ය හදන්න වසර 10ක් ගියා.
අපේ කාලයේ තමයි ඒ සදහා මුල්ගල් තියලා වැඩ ආරම්භ කළේ. නමුත් පසුගිය රජය මගින් පසුගිය වසර 15ටම අධිවේගි මර්ගවල කිලෝමිටර් 183යි හදලා තියෙන්නේ. නමුත් අපේ රජය බලයට පත්වෙලා මේ වසර 03තල අධිවේගි මාර්ගවල කිලෝමිර් 185ක් ඉදි කරලා තියෙනවා.
මාතර සිටි මත්තල දක්වා දකුණු අධිවේගි මාර්ගයේ වැඩ ලබන වසරේ අගෝස්තු මාසයේ අවසන් කරනවා. මධ්‍යම අධිවේගි මාර්ගයේ 01 හා 03 පැකේජය මේ මාසයේ අවසන් කරණවා.කුළුණු මත ඉදි කරන අධිවේගි මර්ග 02ක් ආරම්භ කළා‘
