(යොහාන් භාසුර)
මෙරට පැරණිතම බෞද්ධ ගීතයක් වන ‘දන්නෝ බුදුන්ගේ ශ්රී ධර්ම ස්කන්ධා’ ගීතය ජාතික උරුමයක් බවට පත්කිරීමට කැබිනට් අනුමැතිය හිමිවූ බව කැබිනට් මාධ්ය ප්රකාශක, අමාත්ය ආචාර්ය බන්දුල ගුණවර්ධන මහතා අද (16) පැවසීය.
ජෝන් ද සිල්වා ශූරීන් 1903 වසරේ ‘සිරිසඟබෝ’ නාට්යයට රචනා කළ, විශ්වනාත් ලව්ජි මහතා තනු නිර්මාණය කළ මෙම ගීතය ජාත්යන්තරවත් විශාල ඇගයීමකට ලක්වූ සංස්කෘතිකමය වටිනාකමින් යුත් ගීතයක් බව කී අමාත්ය ආචාර්ය බන්දුල ගුණවර්ධන මහතා මෙම ගීතය ඉතිහාසයේ ජාතික ගීයට සමාන ගරු බූහුමනට ලක්වූ ගීතයක් බව ද සඳහන් කළේය.
පළාත් සභා, පළාත් පාලන, ස්වදේශ කටයුතු, රාජ්ය පරිපාලන අමාත්යවරයා සහ අග්රාමාත්යවරයා ලෙස දිනේෂ් ගුණවර්ධන මහතා ‘දන්නෝ බුදුන්ගේ ශ්රී ධර්ම ස්කන්ධා’ ගීතය ජාතික උරුමයක් බවට පත්කිරීමට ඉදිරිපත් කළ යෝජනාව කැබිනට් මණ්ඩලය පිළිගත් බවව ද සඳහන් වැඩි දුරටත් සඳහන් කළේය.
