නීතිවිරෝධී ලෙස යාත්රාවකින් ඕස්ට්රේලියාවට ඇතුළුවීමට උත්සාහගනිමින් සිටිය දී අත්අඩංගුවට ගත් 157 දෙනකුගෙන් යුතු සංක්රමණිකයන් පිරිස ඕස්ට්රේලියාවේ කර්ටින් නගරයේ සිට නාඋරු දූපතට මාරුකැර යැවූ බව එරට රජය ප්රකාශ කරයි. මේ පිරිස අතර කුඩා ළමයි 50 ක් සිටිති.
ඕස්ට්රේලියාවේ ආගමන විගමන කටයුතු අමාත්ය ස්කොට් මොරිසන් පවසන්නේ මේ සංක්රමණිකයන් ඉන්දියාවේ පොන්ඩිචෙරි සිට ඕස්ට්රේලියානු මුහුදු සීමාවට පැමිණ සිටින බවයි. ඔවුන් ඉන්දීය ජාතිකයන් ලෙස සැකයක් පවතින බැවින් ඕස්ට්රේලියාවේ සිටින ඉන්දීය නීතීඥයන් හමුවීමට අවස්ථාව ලබා දුන්න ද එය ප්රතික්ෂේප කර ඇතැයි ද ඒ හේතුවෙන් ඉන්දියාවට යැවිය නොහැකියැයි ද අමාත්ය මොරිසන් පවසයි.
ඕස්ට්රේලියා රජය පවසන්නේ ඔවුන් සරණාගතයන් බව තහවුරුවන්නේ නම් පමණක් නාවුරු දූපතේ රැඳී සිටීමට අවස්ථාව ලැබෙන බවයි. නැතිනම් ඔවුන්ට ශ්රී ලංකාවට යාමට සිදුවන බව ද මොරිසන් නිවේදනයක් නිකුත්කරමින් පවසා ඇත.
