(බි.ජී.චතුරංග)
ව්යාජ අංක තහඩු සහිත යතුරු පැදියක් ලඟ තබා ගැනීමේ සිද්ධියක් සම්බන්ධයෙන් සිදු කළ වැඩි දුර විමර්ශනයකදී සොරකම් කරන ලද තවත් යතුරු පැදියක් සහ යතුරු පැදි 9ක අංක තහඩු තොගයක් සමග සැකකරුවකු අත්අඩංගුවට ගත් බව නොච්චියාගම පොලීසිය පවසයි.
ව්යාජ අංක තහඩු සවි කර තිබූ යතුරු පැදියක් ලඟ තබා ගැනීමේ සිද්ධියක් සම්බන්ධයෙන් සැකකරුවන් තිදෙනෙකු අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව එම සැකකරුවන් තිදෙනා රක්ෂිත බන්ධනාගාර ගත කෙරුණු බව පොලීසිය මෙහිදී සදහන් කළේය.
එම සොරකම සම්බන්ධයෙන් සිදු කළ වැඩි දුර විමර්ශනයකදී රක්ෂිත බන්ධනාගාර ගත කළ ඉහත පළමු සැකකරු සමඟ එක්ව මෙම සොරකම්වල නිරත වූ ගම්මාන අංක 5, සමගිපුර ප්රදේශයේ පදිංචි තවත් සැකකරුවකු සොරකම් කරන ලද යතුරු පැදියක් සමග අත්අඩංගුවට ගත් බව පොලීසිය කියයි.
එම සැකකරුගෙන් සිදු කල වැඩි දුර ප්රශ්න කිරීම්වලදී සොයා ගත් එම යතුරු පැදිය ගාලදිවුල්වැව ප්රදේශයෙන් සොරකම් කළ බවත් තවත් යතුරු පැදියක් ඔයාමඩුව ප්රදේශයේදී සොරකම් කර බවත්, මේ වන විට එම යතුරු පැදිය ශ්රාවස්තිපුර ප්රදේශයට උකස් කර ඇති බව අනාවරණය වූ බව පොලිසිය කියයි.
අනතුරුව එම උකස් මධ්යස්ථානය තුළ සිදු කල සෝදිසියකදී එම යතුරු පැදිය වෙනත් අයකු රැගෙන ගිය බවට එහි හිමිකරු ප්රකාශ කිරීමෙන් අනතුරුව, කල වැඩි දුර සෝදිසි කිරීමකදී යතුරු පැදි නවයකට අදාල NW - BV- 6677, NC TJ- 9921, NC BFG - 3172, NW MR - 4481, NC BWZ - 8897, WP MH - 6493, NC ME - 6638, NC UJ -7117, NC BFG - 1929 අංක දරණ යතුරු පැදි අංක තහඩු තොගය හමුවූ බව පොලිසිය සඳහන් කළේය.
