සෞදි අරාබියේ සිරියා ජාතික ගෙදරක තාඩන පීඩන මැද වසර 13ක් වහල් සේවය කළ කැකිරාවේ එච් එම් ධනවතී (47) මහත්මියට යළි සැමියාගේ හා දරුවන්ගේ මුහුණ බැලීමට ඉඩකඩ සලසා දීමට ලංකාදීප එසැණ වෙබ් අඩවිය සමත් විය.
ඇය ජීවතුන් අතර සිටින බව ඇගේ සැමියාටත් දරුවන්ටත් දන්වා පුවත මුලින්ම පළ කළේ එසැණ වෙබ් අඩවියයි
රියාද් නුවර ශ්රී ලංකා තානාපති කාර්යාලයයේ කම්කරු නිලධාරී රොෂාන් ගුණවර්ධන මහතා හමුනොවන්නට ඇයට යළි ශ්රී ලංකාවේ පස් පාගන්නට බෙහෙවින්ම ඉඩ නොතිබිණි.
විසා නොමැතිව සෞදි අරාබියේ සිටින විදේශික ගෘහ සේවිකාවන් සොයා සෞදි රජයෙන් මෙහෙයුමක් ඇරැඹිමත් සමඟ ඉන් බේරීමට ඇය මුස්ලිම් කතක සේ අන්දවා දමාම් නුවර ශ්රී ලංකා තානාපති ජංගම සේවයට රැගෙන ගිය සිරියා හාම් පුතාගෙන් ප්රශ්න කරද්දී ඇගේ කතාව එළියට ආවේය.එදිනම ඇය තානාපති කාර්යාලයයේ බාරයට ගෙන ඇගේ හිඟ වැටුප් ගෙවන ලෙස හාම් පුතාට නියෝග කැරිණි.ඒ අනුව මාස ගණනක් හෙට්ටු කිරීමෙන් පසු ශ්රී ලංකා මුදලින් ඇයට රුපියල් ලක්ෂ 21 පමණ ලබා දීමට රොෂාන් ගුණවර්ධන මහතා සමත් විය.
පස් දරු මවක වන ධනවතී මහත්මිය අද (26) අලුයම ගෙදර පැමිණි අවස්ථාවේ කදුළු පිරුණු දෑසින් ඇගේ සැමියාත් දරුවෝත් සමීප නෑයෝත් ඇය වට කර ගත්හ.
ඇය සෞදියේදී විදි දුක් ගැහැට හා වද වේදනාවල සලකුණු අගේ සිරුර පුරාම ඇත.ඇය කියනුයේ කිසිම ගැහැණියක සෞදි අරාබියේ රැකියාවකට නොයැවිය යුතු බවයි.
වැටුපක් හෝ නිවාඩුවක් නොලබා වහල් සේවයේ යෙදවූ එම් එච් ධනවති මහත්මිය බදාදා (25) රාත්රීයේ රියාද් සිට ශ්රී ලංකාව බලා පියාසර කළ යු එල් 266 දරන ශ්රී ලන්කන් ගුවන් යානයෙන් කොළඹට පිටත් කර යැවු බව රියාද් ශ්රී ලංකා තානාපති කාර්යාලයේ කම්කරු නිලධාරි රොෂාන් ගුණවර්ධන මහතා පැවසීය .
ධනවතිට හිමිවූ ලක්ෂ 21 ක් චෙක් පතක් මගින් අද දින (26) ඇයගේ අතටම ලබාදීමට විදේශ සේවා නියුක්ති කාර්යාංශය සහ විදේශ කටයුතු සුභසාධන අමාත්යවරිය කටයුතු කළ බවද ඔහු සඳහන් කරයි
ධනවති මහත්මිය පසුගිය 6 වැනි සිකුරාදා නැගෙනහිර කලාපිය ජංගම සේවාවට පැමිණියේ ඇයගේ හාම්පුතා සමග තම ගමන් බලපත අලුත් කර ගැනීම සඳහාය. සොයා බැලීමේදී හෙළිවුයේ වසර 13 ක් කාලයක් පුරාවට කිසිදු වැටුපක් හෝ නිවාඩුවක් ලබා නොදී ඇය වහල් සේවයේ යොදවා ඇති බවයි.
ඒ අනුව තානාපති බාරයට ගත් ධනවතිහට ලැබිය යුතු සියලු මුදල් සහ ගුවන් ගමන් ගාස්තුද හාම්පුතා යැයි කියන ගත සිරියා ජාතිකයාගෙන් අය කර ගැනීමට ශ්රී ලංකා තානාපති කාර්යාලය
කටයුතු කළේය.
ලංකාවට පැමිණිමෙන් පසු සිය ඥාතීන් සමඟ (ඡායාරූප කාංචන කුමාර ආරියදාස)
සෞදියේ සිටියදී
