මියගිය පුංචි අම්මාගේ විශ්‍රාම වැටුප හත් වසරක් වංචා කළ ඥාති පුත්‍රයකු මාස හයක සිර දඩුවම් නියම කළ කෑගල්ල මහාධිකරණ විනිසුරු මේනකා විජේසුන්දර මෙනවිය වංචා කළ රුපියල් 298110.60 ගෙවන ලෙස ද නියෝග කළාය.
සිර දඩුවම පස් වසරකට අත් හිටුවීය.
දඩුවම් නියම වූයේ වරකාපොල ඇත්නාවල වස්තුහේවා දීප්ති සිල්වා (65) නැමැත්තාටය.
පියාගේ දෙවැනි බිරිය වූ පුංචි අම්මා අසනීප වී සිටියදී ඇගේ අත්සන සාමවිනිසුරුවරයකු ලවා සහතික කරගෙන ඇත.
ඇය 1977 මිය ගිය පසු ද ඒ ලිපිය ඉදිරිපත් කර වැටුප් ලබාගෙන ඇත.
හොරෙන් ගත් මුදලින් රුපියල් ලක්ෂයක් ගෙවූ ඔහු ඉතිරිය ලබන දෙසැම්බර් 6 වැනිදාට පෙර ගෙවීමට නියම විය.
තම සේවාදායකයා අංශභාග රෝගයෙන් පෙළෙන හෙයින් ලිහිල් දඩුවමක් නියම කරන්නැයි ඔහුගේ නීතීඥයා ඉල්ලා සිටියේය.
