සිරිකොත එක්සත් ජාතික පක්ෂ මූලස්ථානයට පහරදීමේ සිද්ධිය සම්බන්ධයෙන් පළාත් සභා මන්ත්‍රීවරුන් වන මෛත්‍රි ගුණරත්න සහ ශිරාල් ලක්තිලක යන මහත්වරුන් ඇතුළු පක්ෂ ක්‍රියාකාරීන් දස දෙනකු පක්ෂයෙන් නෙරපා හැරීමට එක්සත් ජාතික පක්ෂ කෘත්‍යාධිකාරි මණ්ඩලය අද තීරණය කෙළේය.
ජනාධිපති නීතිඥ ශ්‍රීනාත් පෙරේරා කමිටු නිර්දේශය අනුව මෙම තීරණය ගෙන ඇත. එම පහරදීමට අමතරව ඔවුන් පක්ෂයේ නියෝගයට එරෙහිව යමින්, හයිඩ් පිටියේ පැවැති රැලියකට සහභාගී වීමේ චෝදනාව ද එල්ල වී තිබිණි. මෙම තීරණය ගැන යළි සලකා බලන්නැයි සජිත් ප්‍රේමදාස මහතා කළ ඉල්ලීම කෘත්‍යාධිකාරී මණ්ඩලය ඉවත දැමුවේය.
