ශ්‍රි  ලංකාවේ මුස්ලිම්වරුන්  අල්ලා දෙවියන් වහන්සේට  යාච්ඥා පවත්වමින්  හජ්ජි උළෙල සමරති. ප්‍රධාන යාච්ඥා මෙහෙය ගාලු මුවදොර පිටියේ අද (12) පැවැත්විණි. දිවයිනේ බොහෝ පළාත්හි  හජ් උළෙල සැමරේ.

ඉස්ලාම් ආගම අනුව මුස්ලිම්වරුන්ගේ කැපකිරිම හා පරිත්‍යාගය ඉහළම මට්ටමින් කරන උළෙලක් ලෙස ලොව පුරා මුස්ලිම්වරු අද දිනය සමරති.

වසර 4000 කට  වඩා පැරණි මෙම හජ් උත්සවයේ තේරුම වනුයේ වෛරය, ක්‍රෝධය, ඊර්ෂියාව සමාජයේ පිඩිත කොටස් වලට  උදව් උපකාර  කරමින් සාමයෙන් හා සමගියෙන් ජිවත් වීම බව ඉස්ලාම් දහම පෙන්වයි.

සැබෑ ලෙසින් හජ් සමරන්නාට  ස්වර්ගයේ දොරටුව විවෘත වෙතියි ඉස්ලාම් දහමේ දැක්වේ.

කාත්තාන්කුඩි  ඉස්ලාමීය ආයතනය සංවිධානය කළ හජ් යාච්ඥාව මුහුුදු පිටියේ පැවැත්විණි. 

ජායාරූප - ළහිරු හර්ෂණ

ජායාරූප - ජවුෆර් ඛාන්