එංගලන්තයේ බටහිර සසෙක් හි බොග්නෝර් රෙගිස් නගරයේ රේස් ඔට්ටු ඇල්ලීමට එන කාන්තාවක් අවුරුදු හතරක් වයසැති තම දියනිය බලූ පැටවකු මෙන් බුකිය ඉදිරිපිට ගැට ගසා ඔට්ටුපොළට ඇතුළු විය. මිනිත්තු කීපයක් ඇය එහි බැඳ තැබූ මව ඔට්ටු අල්ලා ආපසු ඇවිත් ඇය ඇය ලිහාගෙන ගියාය. දැරිය ලණුව ලිහා ගැනීමට උත්සාහ කළත් බැරිවිය. තට්ටු නිවාස සංකීර්ණයක කාර්යාල සේවක පිරිසක් මෙම සිදුවීම වීඩියෝ ගත කළහ. කුඩා දරුවන් රේස් බුකියකට රැගෙන යාම නීතියෙන් තහනම් වෙයි. මේ අතර රුසියාවේ සෝවිඉන් රුසියා සතුන් වත්තේ මව අහිමි කොටි පැටවුන් තිදෙනකුට කිරි දෙන මවක් සොයා ගැනීමට එහි පාලකයින් අන්තර්ජාලයේ පිහිට පැතීය. දින කීපයකට පසුව ඔවුන්ගේ එම උත්සාහය සාර්ථක වූ අතර පැටවු තිදෙනාට මවක් සොයා ගැනීමට හැකිවිය. ඇය බැල්ලියකි. එහි පාලකයන් කියනුයේ එම බැල්ලිය කොටි පැටවුන් තිදෙනා ඉතා ආදරයෙන් රැක බලා ගන්නා බවය. කොටි පැටව් තිදෙනාද බැල්ලිය නැතිව එක මොහොතක් හෝ තනිව නොසිටින බව සත්වෝද්‍යාන පාලකයෝ කියති.