මොරගහහේන නව බස්නැවතුම්පොළ විවෘත කිරීම අද(13) පෙරවරු 9.30ට මහ නගර හා බස්නාහිර සංවර්ධන ඇමැති පාඨලී චම්පික රණවක මහතාගේ ප්‍රධානත්වයෙන් සිදුකිරීමට නියමිතව තිබියදී පෙරවරු 8.15ට පමණ පිරිසක් සමග එහි ගිය මන්ත්‍රී විදුර වික්‍රමනායක මහතා පීත්ත පටියක් කපා එය විවෘත කළේය.

නව බස් නැවතුම්පොළ විවෘත කිරීමට ඇමැති චම්පික රණවක ද එහි පැමිණි අතර මේ මොහෙත වනවිට ඔහු උත්සවය සභාවේ කටයුතු ආරම්භ කර ඇත. විශාල පිරිසක් මාර්ගය හරස් කරමින් එහි සිටීම හේතුවෙන් උණුසුම්කාරී තත්ත්වයක් හටගෙන ඇතැයි පොලිසිය පවසයි. ආරක්ෂාව සඳහා ඉංගිරිය, හොරණ,මොරගහහේන ඇතුළු අවට සියලුම පොලිසිවලින් නිලධාරීන් 150ක් පමණ එහි කැඳවා ඇතැයි ද පොලිසිය කියයි.

ජායාරූප - බුද්ධික කුමාරසිරි

ඡායාරූප - බිමල් ශ්‍යාමන් ජයසිංහ