(සුජිත් හේවාජුලිගේ සහ අංජුල මහික වීරරත්න )
පළාත් පාලන මැතිවරණයට ඉදිරිපත්වූ රාජ්ය සේවකයන්ට තමා ඡන්දය ඉල්ලන ඡන්ද බල ප්රදේශයට ආසන්න බල ප්රදේශයන්හි රාජ්ය ආයතනවල සේවය කිරීමේ අවසරය ලබාදෙන චක්රලේඛය ලබන සතියේ පිට කරන බව අග්රාමාත්ය, රාජ්ය පරිපාලන අමාත්ය දිනේෂ් ගුණවර්ධන මහතා පාර්ලිමේන්තුවවේදී අද (28) පැවසීය.
එසේම රාජ්ය ආයතනවලට ඈත ප්රදේශවලින් එන අයට ඒ ස්ථානවලම නැවතත් රාජකාරි කටයුතු කිරීමට අවස්ථාව ලබාදෙන බවද හෙතෙම සඳහන් කළේය.
අග්රාමාත්යවරයා මෙසේ පැවසූවේ ජාත්යන්තර මූල්ය අරමුදලේ ණය පහසුකම පිළිබඳ විවාදයේදීය. මැතිවරණය කල් දැමුවද අවලංගු කර නැති තත්ත්වය යටතේ මැතිවරණ නීතිය කඩා නොවන ආකාරයට කටයුතු කිරීම වැදගත් බවත් මැතිවරණ කොමිෂන් සභාවද ඒ කාරණය පෙන්වාදී ඇති බවත් ගුණවර්ධන මහතා පැවසුවේය.
