2013 මාර්තු ප්‍රකාශයට පත් කළ ජාත්‍යන්තර ෂෝබස් සඟරාව කළ සමීක්ෂණයකට අනුව ලොව මුල් පෙළේ කෝටිපති ව්‍යාපාරිකයන් 100 දෙනකුගේ ලැයිස්තුව ප්‍රකාශයට පත් කර තිබේ.

ඉන් පළමු ස්ථානය ඇමෙරිකානු ඩොලර් බිලියන 73ක වත්කමක් ඇති මෙක්සිකෝ ජාතික කැරොල් ස්ලිම් හේලුය. දෙවැනි ස්ථානය අමෙරිකානු ජාතික බිල් ගේට්ස්ය. ඔහුගේ වත්කම ඩොලර් බිලියන 67 කි. තුන්වන ස්ථානය ස්පාඤ්ඤ ජාතික අවන්සිපෝ ඔටේගාය. ඔහුගේ වත්කම ඩොලර් බිලියන 57කි.

මුල් පෙළේ කෝටිපති ව්‍යාපාරිකයන් 10 දෙනා අතර කාන්තාවක් ද වන්නීය. ඇය ප්‍රංශයේ ලලියානේ බෙටන්කෝට්ය.  වත්කම ඩොලර් බිලියන 30කි.

මුල් පෙළේ ව්‍යාපාරිකයන් 100 දෙනා ගෙන් 37 දෙනකු ඇමෙරිකා  ජාතික ව්‍යාපාරිකයන් ය. පස් දෙනකු රුසියානු ජාතිකයන් වන අතර එක් අයකු චීන ජාතිකයකු ය.

කෝටිපති ව්‍යාපාරිකයන් අතර ලාබාලම ව්‍යාපාරිකයා වන්නේ ෆේස්බුක් සමාජ වෙබ් අඩවිය හිමි ඇමෙරිකා ජාතික 28 හැවිරිදි මාක් සුකර් බර්ග්ය. වත්කම ඩොලර් බිලියන 13.3කි.