බ්‍රිතාන්‍යයයේ ෂෙෆීල්ඩ් හි දකුණු යෝක්ෂයර් පිට්සා අවන්හලක පිට්සා බෙදු කවීෂ ලකිඳු පීරීස් නම් ශ්‍රී ලාංකික පරිගණක උපාධිධාරියා පිහියෙන් ඇන මරා දැමී යැයි 17 හැවිරිදි තරුණයෙක් දකුණු යෝක්ෂයර් පොලීසිය විසින් අත්අඩංගුවට ගනු ලැබීය.
හැලම් සරසවියේ මෘදුකාංග ඉංජිනේරුවරු උපාධිධරයකු වු ලකිඳු අවසන් පීට්සා ඇනැවුම රැගෙන යාමට සැරැසෙද්දී ඔහුට පිහියෙන් ඇන ඇත.
ඔහු තොරතුරු තාක්ෂණ උපදේශකවරයකු වශයෙන් අලුත් රැකියාවක් ඇරැඹීමට සුදානමින් සිටියදී මේ ඉරණමට ගොදුරු වු බව ඔහුගේ පියා වන සරත් මහින්ද පීරිස් හා මව සුධර්මා නාරන්ගොඩ කියති.
ඝාතකයා සොයා රහස් පොලිස් පරීක්ෂකවරු හා විශේෂඥ පරීක්ෂකවරු 50 කට වැඩි පිරිසක් පරීක්ෂණ ඇරැඹුහ.
‘අපේ පුතා කුරා කුහුඹුවකුටවත් හානියක් කරන්නේ නෑ .දැන් අපේ සියලු බලාපොරොත්තු ඉවරයි.තවත් මවකට පියකුට මෙවැනි වේදනාවක් ඇති නොවන විදියට අපරාධකරු අල්ලා ගැනීමට උදව් කරන්නැයි අපි ඉල්ලනවා’
2011 දී ලන්ඩනයට ගිය ලකිඳු වැඩි දුර අධ්‍යාපනය සදහා ෂෙෆීල්ඩ් නගරයට ගියේය.
ඔහුගේ කලමනාකරු රවි මාරිපුඩි පැවසුයේ ඔහු අසනීප ගතියෙන් සිටින බව එදා පැවසු නමුත් අන්තිම ඇනවුමත් භාර දී ගෙදර යෑමට එකඟ වු බවයි.
අවන් හලේ සිට කිලෝමීටයරක් දුර නිවසකට පීට්සාව භාර දීමට නියමිතව තිබිණි.
එවිට වේලාව පසුගිය ඉරිදා රාත්‍රී 9.50 ට පමණ විය.
මිනිත්තු 15 කට පසු පිට්සාව ගෙදරට නොලැබුණු දුරකතන පණිවුඩයකින් කියැවිණි.
නිවස ඉදිරිපිට කලබලයක් ඇසෙන බවත් ඔවුන් පවසා ඇත.
ලකිඳු ඔහුගේ සිල්වර් ටොයොටා යාරිස් රථයේ මැරී සිටියේය.ඔහුගේ සොයුරු ප්‍රමෝද් චේතක පීරිස් මල්ලිගේ වියෝවෙන් දැඩි කම්පනයට පත්ව සිටී.
අධිකරණ වෛද්‍ය නිලධරයෝ ඔහුගේ කාරයද , ඔහු මැරී සිටි සුදු ක්‍රෙසන්ට් ප්‍රෙද්ශයේ ගෙන් ගෙට පරීක්ෂණ ද කළහ.
ඝාතනය ගැන තොරතුරක් දන්නා කෙනෙකු වෙතොත් ලන්ඩනයේ සිට දකුණු යෝක්ෂයර් පොලීසියට 101 අංකයට දැනුම් දිය හැකි බවත් එසේ දන්වන විට 1253 හා 2013 මක්තෝබර් 27 සිද්ධිය සදහන් කරන ලෙසත් පොලීසිය ඉල්ලයි.
