(ගයාන් සූරියආරච්චි)

රුපියල් ලක්ෂ 80 ක් පමණ වටිනා මත්පෙති 40,000 ක් ජාවාරම් කිරිම සදහා සන්තකයේ තබාගෙන සිටි වෙල්ලන්කුලම්, මුලංකාවිල් ප්‍රදේශයේ ධීවරයන් දෙදෙනෙක් පෙරේදා (29) පොලිස් මත්ද්‍රව්‍ය නාශක කාර්යංශය යාපනය උප ඒකකයේ නිලධාරීන් විසින් අත්අඩංගුවට ගනු ලැබූහ.

මෙසේ අත්අඩංගුවට ගෙන ඇත්තේ මුලංකාවිල්, ඉරගෙයිමහනගර් ප්‍ර දේශයේ පදිංචි අවරුදු 26 සහ 36 වියේ පසුවන පුද්ගලයන් දෙදෙනෙකි.

පොලිස් මත්ද්‍රව්‍ය නාශක කාර්යාංශයේ නිලධාරීන්ට ලද තොරතුරක් මත මෙම වැටලීම සිදුකළ අතර සැකකරුවන් මුහුදු මාර්ගය ඔස්සේ මෙම මත්ද්‍රව්‍ය රැගෙන එන්නට ඇති බවට පොලිසිය සැක පළ කරයි.

පොලිස් මත්ද්‍රව්‍ය නාශක කාර්යාංශයේ අධ්‍යක්ෂ ජ්‍යෙෂ්ඨ පොලිස් අධිකාරී හේමාල් ප්‍රශාන්ත මහතාගේ උපදෙස් පරිදි යාපනය උප ඒකකය මගින් වැඩිදුර විමර්ශන සිදුකෙරේ.