පසුගියදා සිංහරාජ වනාන්තරේ සැරිසැරූ අහිංසක ගෝනකු මරාගෙන කෑ මස් වැද්දන් ගැන කියවුණු පුවතක් එසැණින් වාර්තා විය.
මෙයද ‘ගෝනකු සම්බන්ධ පුවතකි. රුසියාවේ අරංතූර් වැව ඉහළින් පියාසර කළ හෙලිකොප්ටර් යානාවක නියමුවෙක් අයිස් හා හිමෙන් යටවුණු වැවේ කළු පාට යමක් දුටුවේය. වහා යානාව පහත් කොට ඒ ගැන විපරම් කරන විට ඉහළ අහසට දිස් වූ කළුපාට තිත රුසියා හිම වනාන්තරයේ ජීවත් වන හිම ගෝනේකි. සෙනිටිග්‍රේට් අංශක සෘණ 40ක් පහළ උෂ්ණත්වයක වතුර වළකට වැටුණු ගෝනා මරු හා සටන් කරමින් සිටියේය. වහා ක්‍රියාත්මක වූ නියමු වික්ටර් ෂවලයිපික් තම මිතුරන් දෙදෙනකු සමග පැය දෙකක් වෙහෙසී නැවත ගෝනාට ජීවිතය ලබා දීමට ක්‍රියා කළේය.
අධික ශීත හේතුවෙන් ගල් ගැසුණු ගෝනාගේ පාද හා මාංශ සම්භාහනය කරමින් නැවත යථා තත්ත්වයට ගැනීමට මිනිසත් බව පිරිපුන් මෙම සැබෑ මිනිස්සු සමත් වූහ.
