(සුජිත් හේවාජුලිගේ)
රාජ්ය නිලධාරීන් වෙනුවෙන් දේශීය හා විදේශීය වැටුප් රහිත නිවාඩු අනුමත කිරීම වහාම ක්රියාත්මක වන පරිදි නතර කිරීමට රාජ්ය පරිපාලන, පළාත් සභා හා පළාත් පාලන අමාත්යාංශය තීරණය කර ඇත
නොවැම්බර් මස 24 වැනිදා පැවති අමාත්ය මණ්ඩල රැස්වීමේදී ගනු ලැබූ තීරණයක් මත මෙම පියවර ගන්නා බව රාජ්ය පරිපාලන, පළාත් සභා හා පළාත් පාලන අමාත්යාංශ ලේකම් එස්. ආලෝක බණ්ඩාර මහතා පවසයි
ඒ අනුව නව නිවාඩු අයදුම්පත්ර හෝ නිවාඩු දීර්ඝ කිරීමේ අයදුම්පත්ර භාරගැනීම වහාම ක්රියාත්මක වන පරිදි නතර කළ යුතු බව අමාත්යාංශ ලේකම්වරයා, සියලුම අමාත්යාංශ ලේකම්වරුන්, පළාත් ප්රධාන ලේකම්වරුන් හා දෙපාර්තමේන්තු ප්රධානීන්ට චක්රලේඛයකින් දැනුම් දී ඇත
ජ්යෙෂ්ඨත්වයට හා විශ්රාම වැටුපට හානියක් නොවන පරිදි රාජ්ය නිලධාරීන්ට වසර 5ක උපරිමයකට යටත්ව දේශීය හා විදේශීය වැටුප් රහිත නිවාඩු ලබා ගැනීමට අවස්ථාව ලබා දෙමින් 2022 වසරේ ජුනි මස 22 වනදා සිට ක්රියාත්මක වන පරිදි රාජ්ය පරිපාලන චක්රලේඛයක් නිකුත් කෙරිණ
දැනට දේශීය විදේශීය නිවාඩු ලබා සිටින නිලධාරීන් සඳහා අනුමත කර ඇති කාල සීමාවට අදාළව පමණක් එම නිවාඩුව ලබා ගැනීමේ හැකියාව පවතින බව චක්රලේඛයේ සඳහන්වේ.
මේ වන විට නිවාඩු සඳහා අනුමැතිය ලබා එම නිවාඩුව ගත කිරීමේ අපේක්ෂාවෙන් සිටින නිලධාරීන්ට අනුමත කර ඇති කාලසීමාවට අදාළ වන පරිදි නිවාඩුව ලබා ගැනීමේ හැකියාව පවතින බව රාජ්ය පරිපාලන අමාත්යාංශය පැවසීය
