අතුරුදන් වූ යානය සොයන ඕස්ට්‍රේලියා බලධාරීන් පවසන්නේ දැන් තමන් සිදුකරමින් තිබෙන මෙහෙයුම යානයේ සිටි මගීන් ගලවා ගැනීමේ මෙහෙයුමක් විය හැකි බවයි. ඒ සදහා යුද ගුවන් යාන පහක්, පර්ත් නගරයේ සිට පිටත්කර හැර තිබේ. ඔරියන් නමැති ගුවන් යානය දෙවන වතාවටත් අද හදුනාගත් ප්‍රදේශයේ නිරීක්ෂණ කටයුතුවල යෙදෙමින් සිටියි. තවත් රවටල් 20කින් ගුවන් යානා 29ක්, නැව් 21ක් හා හෙලිකොප්ටර් යානා 06 ක් ගවේෂණ කටයුතු සදහා යොදවා ඇත.

චීනය ද අයිස් කඩන නැව් 04ක් හා අමතර යාත්‍රා 03ක් යොදවා ඇත. ඉක්මණින් පහත් ස්ථාන වෙත ලගා විය හැකි ඇමෙරිකා නාවුක ගුවන් යානයක් විසින් දිය යට ඇති වස්තූන් හදුනාගත හැකි සෝනාර් බෝයාවන් අතහැරීම ද සිදුකරයි.

ඕස්ට්‍රේලියාවේ අගමැති ටෝනි ඇබොට් පවසන්නේ කාලගුණය යහපත් වුවහොත්යම් ප්‍රගතියක් අත්කැර ගැනීමට ඉඩ තිබෙන බවයි. කෙසේ වෙතත් පසුගිය දා ඕස්ට්‍රේලියාවේ අගමැතිවරයා ප්‍රකාශ කැර තිබුණේ චන්ද්‍රිකා ඡායාරූපයකින් ඉන්දියන් සාගරයේ දකුණු‍ කොටසේ පාවෙන යම් වස්තුවක් සොයා ගත හැකි වූ බවයි. එය ඇතැම් විට නැවකින් ඉවත දැමූ කන්ටේනරයක් විය හැකි බව ද බලධාරීන්ගේ මතය වී තිබේ. කෙසේ වෙතත් එවැනි දෙයක් මෙතෙක් සොයාගෙන නැත.

පර්යේෂණ කටයුතු සදහා අති නවින රාෆ් ඔරියන්ස් නමැති යානා දෙකක් යොදා ඇත. එහි නිලධාරීහු 14ක් සිටිති. මේ යානාවල ඇති විද්‍යුත් ධ්වනි උපකරණ මගින් නිකුත් කරන සංඥා යම් වස්තුවක වැදුණු විට එය හසුකර ගැනීමේ හැකියාවෙන් යුක්තය.

පාවෙන යමක් දුටුවා යැයි කියන ප්‍රදේශයේ මුහුදේ ගැඹුර කිලෝ මීටර 3 ක් පමණ වේ. ලෝකයේ පිළිගැනීම වන්නේ මේ ප්‍රදේශය පෘතිවියේ වඩාත්ම දරුණු, කුණාටුවලින් බහුල හුදකලා වූ ප්‍රදේශයක් බවයි.