කොහුවල පෞද්ගලික බැංකුවට දත්ත පද්ධතියට හොරෙන් ඇතුළු වී ඉන්දියාවේ මුබ්බායි නුවර සිට රුපියල් පනස් තුන් ලක්ෂයක් වංචා කිරීමට තැත්කළැයි කියන සිද්ධියේ ශ්‍රී ලංකා සාහායකයන් ලෙස සැලකෙන හය දෙනෙක් ගංගොඩවිල වැඩබලන මහේස්ත්‍රාත් සුනීතා නානායක්කාර මහත්මිය විසින් ලබන 10 වැනිදා තෙක් රිමාන්ඩ් කරනු ලැබූහ.
වත්තල එඩේරමුල්ලේ පරිගණක ආයතන හිමිකරුවකු වන ඩබ්ලිව් එම් මද්දුමගේ, ජයවර්ධනපුර තලපත්පිටියේ ආචාර්ය මොහිනී වික්‍රමසිංහ, මහනුවර හිඳගල මහකන්දේ පී රවිචන්ද්‍රන්, සිසිල් බීම සමාගමක විධායකයකු වන වත්තේගම අනුර බණ්ඩාර, ඉඩම් හිමි වැවිලිකරුවකු වන දෙහිවල ජනක සිල්වා හා ශ්‍රී ජයවර්ධනපුර රෝහල පාරේ ජනක එදිරිසිංහ එසේ රිමාන්ඩ් කරනු ලැබුවෝ වෙති.
