රටේ ජාතික සංහිඳියාව ඇති කිරීමට ජිනීවා යෝජනා ක්රියාත්මක කිරීම කවර ආකාරයෙන් සිදු කළ යුතු ද යන්න පිළිබඳව යෝජනා ලබා ගැනීමට පත් කළ කමිටුවේ වාර්තාව ලබන අප්රේල් මස අවසන් වන විට භාරදීමට සැලසුම් කර තිබේ.
අදහස් විමසීමේ කටයුතු සඳහා නීතිඥ මනෝරි මුත්තෙට්ටුවගේ මහත්මියගේ සභාපතිත්වයෙන් 11 දෙනෙකුගෙන් යුත් කාර්යසාධක බළකායක් පත් කිරීමට රජය පසුගියදා පියවර ගත්තේය.
ඒ අනුව ඔවුන් පසුගිය සිකුරාදා (12) සිට ඉරිදා (14) දක්වා යාපනය ප්රදේශයේ පුද්ගලයින්ගෙන් ප්රකාශ සටහන් කර ගනු ලැබීය.
මෙහිදී සාමාන්ය ජනතාවට අමතරව එම ප්රදේශයේ ත්රිවිධ හමුදා ප්රධානීන්ගෙන් සහ පොලිස් ප්රධානීන්ගෙන් ද කරුණු විමසූ බව එම කමිටු සාමාජිකයෙකු සඳහන් කළේය.
අදහස් විමසීමට වෙබ් පිටුවක් ද ක්රියාත්මක කිරීමට මෙම උපදේශක කාර්යය සාධක බළකාය පියවරගෙන තිබේ. ඉදිරි සතිය තුළ දිවයිනේ තවත් ප්රදේශ කිහිපයක අදහස් විමසීමට සැලසුම් කර ඇති බව එම බළකාය සඳහන් කළේය.
මෙම කමිටුව සිය අවසන් වාර්තාව ලබන අප්රේල් මාසයේදී ලබාදීමට සැලසුම් කර ඇත.
