ශ්‍රී ලංකාවේ හොඳම ව්‍යාපාරික කාර්යසාධකයින් ඇගයීමේ ‘බිස්නස් ටුඩේ ටොප් 30‘ සම්මාන උළෙලේදී අගමැති රනිල් වික්‍රමසිංහ හා හිටපු ජනපති මහින්ද රාජපක්ෂ මහත්වරු එකිනෙකා මුණගැසී සතුටු සාමීචියේ යෙදී සිටියහ..
කොළඹ හිල්ටන් හෝටලයේ පැවැති එම උත්සවයට ගංගාරාමාධිපති ගලබොඩ ඥානිස්සර හිමියෝ ද විශේෂ ආරාධිතයකු ලෙස එක්ව සිටියහ.
උළෙලේ ප්‍රධාන ආරාධිතයා ලෙස අගමැතිවරයා එක්ව සිටි අතර අගමැති බිරිය මෛත්‍රී වික්‍රමසිංහ ඇතුළු පිරිසක් ද ඊට එක්ව සිටියහ.
පෞද්ගලික අංශයේ හොඳම ව්‍යාපාර සමාගම ලෙස මෙවර ජෝන් කීල්ස් හෝල්ඩිංග්ස් සමාගම පළමු ස්ථානය දිනා ගත්තේය. දෙවැනි ස්ථානය කොමර්ෂල් බැංකුවටත් තෙවැනි ස්ථානය හැටන් නැෂනල් බැංකුවත් සමත්විය.
