දූවිල්ල සමඟ මුසුවන ඊයම් ප්රබල සෞඛ්ය තර්ජනයක් බව පර්යේෂණ මගින් හෙළි කැරගත් බව ජාතික විෂ තොරතුරු මධ්යස්ථානයේ ප්රධානී කායික රෝග විශේෂඥ වෛද්ය වරුණ ගුණතිලක මහතා පැවසීය.
විෂ සහිත ඊයම් ඇතැම් තීන්ත වර්ගවල ඇති බවත් තීන්ත ලීටරයක තිබිය යුතු අනුමත ඊයම් ප්රමාණය මිලි ග්රෑම් 90 දක්වා අඩු කිරීම ඒ සඳහා වන නීතීය තදින් ක්රියාත්ම කිරීම මේ තත්ත්වය හුවේ අනිවාර්යෙන්ම සිදු විය යුතු බව වෛද්ය ගුණතිලක මහතා සඳහන් කළේය.
ඊයම් රහිත තීන්ත නිපද වීමට නිෂ්පාදකයින් දැනුම්වත් කළ යුතු බවත් හෙතෙම කීවේය.
‘එළිමහනේ නිතරම ගැවසෙන දරුවන්ට විශේෂයෙන්ම වයස අවුරුද්දේ සිට අවුරුදු හය දක්වා දරුවන්ට ආශ්වාසය මගින් ඊයම් ශරීර ගත වෙයි.එසේ ශරීරගත වන ප්රමාණය මයික්රෝ ග්රෑම් 100ක් පමණ වෙයි.
‘‘ දරුවන්ගේ මධ්ය ස්නායු පද්දතියට එනම් මොළය, වකුගඩු, රුධිර සංසරණ පද්ධතියට සංකීර්ණතා ඇති කිරීමට ඊයම් ප්රබල හේතුවක් තිබෙන බව පර්යේෂණ මඟින් හෙළදරව් කරගෙන ඇතැයිද වෛද්ය ගුණතිලක කිවේය.
එම නිසා ගැබිණි මව්වරුන්, දරුවන් නිවෙස්වල සිටියදී එම නිවස අලුත්වැඩියා නොකළ යුතුය. ඊට අමතරව දූවිලි රැදෙන ස්ථාන ඇහැට පමණක් ප්රමාණවත් නැත. වතුරෙන් පිරිසිදු කළ යුතුය. නිවසේ හෝ ගොඩනැගිලිවල ජනෙල්, උළුවහු ජලයෙන් සේදීය යුතුය. කාන්තාවක් ගැබ් ගත් විට ගෙවල් හැදීම නරක යැයි පුරාණයේ සිට පවතින පුරුද්දක් ඇති බව මේ අතර පැරැන්නන් කියයි.
පැරණි තීන්ත ඉවත් කිරීමේදී මතුපිට දූවිල රැදෙන ලෙස සූරා දැමීම වෙනුවට ජලයෙන් තෙත්කර ඉවත් කර එම තීන්ත පතුරු නිසි ලෙස බැහැර කළ යුතු බවද වෛද්යවරයා පැවැසීය.
ඊයම් ශරීරගත වූ විට මේදය අඩු කැල්සියම්, විටමින් සී, යකඩ අඩංගු ආහාර බහුලව ගැනීමෙන් ඊයම් ශරීරයට අවශෝෂණය වීම අඩුකර ගත හැකි බවද හේ කීවේය.
‘‘පොදු ස්ථානවල සහ නිවසේ ඊයම් රහිත තීන්ත ආලේපන කිරීමට පියවර ගත යුතු අතර ඊයම් රහිත තීන්ත නිපදවීමට හා භාවිතයට දැනුම්වත් කිරීම් සිදු කළ යුතුය.
