තාජුඩීන් ඝාතනය සම්බන්ධයෙන් සැක පිට අත්අඩංගුවට ගත් නාරාහේන්පිට පොලිසියේ අපරාධ අංශයේ හිටපු ස්ථානාධිපති සුමිත් චම්පික පෙරේරා අද කොළඹ අලුත්කඩේ ප්‍රධාන මහේස්ත්‍රාත් උසාවියට රුගෙන ඒමට පමා වීම පිළිබඳව මහේස්ත්‍රාත්වරයා රහස් පොලිසියට දෝෂාරෝපණය කළේය.
මහේස්ත්‍රාත් තිළිණ ගමගේ මහතා ඔහු රැගෙන එන තුරු බොහෝ වේලාවක් බලා සිට නොපැමිණීම නිසා වැඩ හමාර කර ගෙදර යද්දී අධිකරණයේ ගේට්ටුව අසලින් රහස්පොලිස් නිළධරයෙකු මහේස්ත්‍රාත් වාහනය නතර කර ඇතැයි ද කියති. මහේස්ත්‍රාත් ඔවුනට දොස් පවරා ඇත්තේ ද ඒ අවස්ථාවේදීය. යළි අධිකරණයට නොගිය මහේස්ත්‍රාත් උසාවි භූමියේ මුර කුටියට ගොස් සැකකරු මැයි 05 දක්වා රිමාන්ඩ් භාරයට පත් කළේය.
