ස්වයංරැකියා නියුක්තිකයන්ගේ සම්මේලනයේ සභාපති කොළඹ නාගරික මන්ත්‍රී මහින්දරත්න කහඳගම, ලේකම් ශානක අශෝක හෙට්ටිආරච්චි සහ භාණ්ඩාගාරික එල් කුමාර ද සිල්වා  පදික වෙළෙඳුන්ගෙන්, ජංගම වෙළෙඳුන්ගෙන් හා ත්‍රිරෝද රිය වෙළෙඳුන්ගෙන් නීති විරෝධී ලෙස මුදල් එකතු කළැයි කියන සිද්ධිය සම්බන්ධයෙන් සාක්කි දීමට කොළඹ නාගරික කොමසාරිස්ට හා නාගරික භාණ්ඩාගාරිකට කොළඹ කොටුව ප්‍රධාන මහේස්ත්‍රාත් ගිහාන් පිලපිටිය මහතා අද නොතීසි නිකුත් කළේය.

සැකකරුවෝ තිදෙනා ද යළි 20 වැනි දා තෙක් රිමාන්ඩ් කරනු ලැබූහ.

මාලිගාවත්ත බෝධිරාජාරාමාධිපති ඌවතැන්නේ සුමන හිමියන්ගේ පැමිණිල්ලක් අනුව පරීක්ෂණ ඇරැඹීය.

පොලිස් වංචා විමර්ශන අංශය පැවසුවේ ඔවුන්ගේ බැංකු ගිණුම් පරීක්ෂා කළ අවසන් දිනෙන් පසුව රුපියල් ලක්ෂ හතර හමාරක් බැංකුවෙන් ආපසු ගෙන ඇති බවයි.

සැකකරුවන් රුපියල් 50 සිට 500 දක්වා වන මුදලක් දින පතාම පාර අයිනේ කඩකාමර 289කින් හා කඩවල් 539කින් එකතු කර ඇති බවයි.