ජාතික මලල ක‍්‍රීඩා සංචිතයේ ක‍්‍රීඩක ක‍්‍රීඩිකාවන්ගේ ගෙවීම් යළි ආරම්භ කළ බව ශ්‍රී ලංකා මලල ක‍්‍රීඩා සංගමයේ භාණ්ඩාගාරික කිරාන් අතපත්තු මහතා පැවසීය.
එම ගෙවීම් ලබාදීම පසුගිය පෙබරවාරි මාසයේ සිදුනොවූ බැවින් ඒ සම්බන්ධයෙන් ක‍්‍රීඩක ක‍්‍රීඩිකාවන්ගෙන් පැමිණිලි ලැබී තිබූ බව ‘ලංකාදීප’ කළ විමසුමකදී ඒ මහතා පැවසීය.
ඒ අනුව මලල ක‍්‍රීඩා සංගමයේ සභාපති මේජර් ජනරාල් පාලිත ප‍්‍රනාන්දු මහතා සමග කළ සාකච්ඡවකින් පසු සුපිරි සංචිතය ඇතුළු සෙසු මලල ක‍්‍රීඩා සංචිත සඳහා ගෙවීම් ලබාදීම ආරම්භ කිරීමට භාණ්ඩාගාරිකවරයා පියවර ගෙන තිබේ.
