දඹුල්ල රෝහලේ නේවාසිකව ප්‍රතිකාර ලබන රෝගීහු මකුණූ උවදුරින් දැඩි ලෙස පීඩා විදිති. දිවා රාත්‍රී නිදි වර්ජිතව සිටින අතර ඇවිද ගැනීමට නොහැකි මෙන්ම අත්පා වලට ප්ලාස්ටර් දමා ඇති රෝගිහු ද මේ උවදුර නිසා විශාල වශයෙන් පිඩාවට  ලක්වී  සිටිති.

මෙට්ට සහ ලෑලි අතර මකුණන් දැක ගත හැකිය. ඇතැම් රෝගීහු ද කොරිඩෝවේ හා බැමි මත නිදති.

දඹුල්ල රෝහලේ වෛද්‍ය ගාමිණී සේනානායක මහතා පැවසුවේ අවස්ථා කීපයක් ද මකුණු මර්දනයට පියවර ගත් බවයි. රෝහල වසා දමා මේ කටයුත්ත කළ යුතුව ඇතත් දඹුල්ල වැනි රෝහලක් පැයක්  හෝ වසා තැබීමට නොහැකි බව ඔහු කියයි.