පසුගිය 07 වැනිදා බුද්ධගයා මහාබෝධි විහාරයේ බෝම්බ සවි කළ පුද්ගලයා පිළිබඳ කිසිම හෝඩුවාවක් ලබා ගැනීමට ඉන්දියාවේ ජාතික පරීක්ෂණ ඒජන්සිය අසමත් විය.
අත්අඩංගුවට ගත් හය දෙනකු ප්‍රශ්න කර මුදා හළ බව දැනගන්නට ඇත.
නිවැරදි ඔත්තුවට ඉන්දියන් රුපියල් දස ලක්ෂයක් දෙන බව ප්‍රකාශ කළ නමුත් වැදගත් තොරතුරක් ලැබී නැත.
මහාබෝධියේ ආරක්ෂක කැමරාවල සහායෙන් හා සාක්කිකරුවන් තිදෙනකුගේ තොරතුරු මත ඉන්දියා පොලිසිය පුද්ගලයකුගේ හැඩරුව සහිත චිත්‍රයක් නිකුත් කළේය.
මීට කළින්ද පින්තූර දෙකක් නිකුත් කළේය.
මහායාන හාමුදුරුනමක් සේ ඇඳ සිටින පුද්ගලයකුගේ චිත්‍ර සකසා ඇත්තේ ශ්‍රී ලාංකික සාක්කිකරුවකුගේ ද උදව්වෙනි.
බෝම්බ පිපිරවීමට මදකට කළින් ඔහු එහි සිටි බව සාක්කිකරුවන් කියා ඇත.
මේ අතර මේ සිද්ධිය වෙනුවෙන් බිහාර් ප්‍රාන්තයේ පැට්නා අගනුවර විශේෂ උසාවියක් ද පිහිටුවා ඇත.
.jpg)
