පේරාදෙණිය විශ්ව විද්යාල වෛද්ය පීඨය වසර 12 කට පසු මෙම වසරේ අගෝස්තු මසයේදී ‘පේමෙක්ස් 2015‘ වෛද්ය විද්යාවේ නොකී කතාව නමින් වෛද්ය ප්රදර්ශනයක් පැවැත්විමට කටයුතු යොදා ඇති බව වෛද්ය පිඨයේ ජ්යෙෂ්ඨ කථිකාචාර්ය වෛද්ය සම්පත් තෙන්නකොන් මහතා පවසයි.
පාසල් සිසු සිසුවියන්, වැඩිහිටියන් ඇතුළු සියලුම ඡනතාව වෛද්ය විද්යාවේ නව දැක්මක් සහිතව දැනුම්වත් කිරිමක් තුළින් වඩාත් සෞඛ්ය සම්පන්න කරලීම ප්රදර්ශනයේ අරමුණ බව ද ඒ මහතා පැවසීය.
1965 වසරේදී ඇරැඹි වෛද්ය ප්රදර්ශනය අවසන් වරට පැවැත්වුණේ 2003 වර්ෂයේදීය. එවර හත්වැනි වරට පැවැති ප්රදර්ශනය නැරඹීම සඳහා දිනකට 150000 පමණ ජනතාවක් පැමිණි බවත් 2015 මෙවර වෛද්ය ප්රදර්ශනය ජනතාවට නව අත්දැකිමක් වන බවද පේරාදෙණි විශ්ව විද්යාලයේ ජ්යෙෂ්ඨ කතිකාචාර්ය වෛද්ය ඉඳුවර ගුණරත්න මහතා කීවේය.
ජෛව රසායනික විද්යා අංශයේ මහාචාර්ය ශ්රියානි රණසිංහ මහත්මිය පැවසුවේ මෙම වෛද්ය ප්රදර්ශනය තුළින් මිනිසාගේ උපතේ සිට මෘත ශරීරය දක්වා විශේෂ කුටි වල සජීවි ක්රියාකාරකම් ඇතුළුව නවින වෛද්ය ක්රමයන් හා නව සොයා ගැනිම්ද ප්රදර්ශනය කෙරෙන බවයි.
වෛද්ය ප්රදර්ශනය 2015 අගෝස්තු 24 දින සිට 31 දින දක්වා උදැසන පෙරවරු 9 සිට පස්වරු 8 දක්වා පැවැත්වෙන බවද මේ සම්බන්ධයෙන් දැනුවත් කිරීමට පැවැති මාධ්ය සාකච්ඡාවේදී සංවිධායකයෝ පැවසූහ. වෛද්ය ප්රදර්ශනයට අදාල වෙබ් අඩවිය pemex2015.com නමින්ද ෆේස් බුක් පිටුව www.facebook.com/pemex2015 එළි දැක්විණි.
