තම පුත් මාලකගේ නඩුවට පැමිණි ඇමැති මර්වින් සිල්වා මහතා කොළඹ කොටුව උසාවිය ඉදිරිපිට පාරේ සිටියදී පැජරෝ රියක් පාර මැද නතර කැරිණි.
එහි සිටි තරුණයකු ඇමැතිට තර්ජනාත්මක ස්වරයෙන් කතා කළේය.‘ඇමැතිතුමාගෙන් අපටත් අසාධාරණකම් සිදු වුණා‘ යැයි ඔහු කීවේය.ඇමැතිගේ ආරක්ෂකයින් ඔහු සමීපයට යද්දී ඔහු ජිප්රිය පදවාගෙන නොපෙනී ගියේය.
ස්කොට්ලන්ත ජාතික ඉංජිනේරුවකුට හා ඔහුගේ පෙම්වතියට කොළඹ ඩුප්ලිකේෂන් පාරේ සමාජශාලාවකදී පහර දුන්නැයි කියන සිද්ධියේ හඳුනාගැනීමේ පෙරට්ටුව අද (25) පස්වරුවට කල් තැබිමෙන් පසු ඇමැති පාරට පැමිණ සිටියදී මේ තත්ත්වය ඇතිවිය.
ඇමැතිගෙන් මාධ්යවේදීන් ඇසුවේ ආණ්ඩුවෙන් ඉවත් වන්නේද යන්නයි. නැතැයි ඇමැති පිළිතුරු දුන්නේය.
