(සිතුම් චතුරංග)
මුලතිව් ඔඩ්ඩුසුඩාන් මහ විද්‍යාලයේ ක්‍රීඩා තරඟයක් අතරතුර බඹරුන් දෂ්ඨ කිරීම හේතුවෙන් සිසුන් සහ ගුරුවරුන් ඇතුළු 43 දෙනකු අද දහවල් රෝහල්ගත කොට ඇතැයි මුලතිව් ආපදා කළමනාකරණ ඒකකය පවසයි.
විද්‍යාලයේ පැවති පළාත් ක්‍රීඩා තරඟයක් අතරතුර බඹරුන් සිටි කූඩුවක් ඇවිස්සීම හේතුවෙන් සිසුන් හා ගුරුවරුන් බඹර ප්‍රහාරයට ලක්ව ඇතැයිද පැවසීය.
මේ දිනවල පවතින දැඩි සුළං තත්වය හේතුවෙන් බඹරුන් ඇවිස්සී ඇති අතර සිසුන් වෙත බඹරුන් දෂ්ඨ කිරිම හේතුවෙන් පාසල තුල දැඩි නොසන්සුන්කාරිතත්වයක් හටගෙන තිබුණි.
පාසලේ ජ්‍යෙෂ්ඨ සිසුන් සහ ප්‍රදේශවාසීන් දුම් සහිත පන්දම් රැගෙනවිත් දෂ්ඨ කිරීම හේතුවෙන් තුවාල ලබා සිටි ගුරුවරුන් සහ සිසු සිසුවියන් රෝහල් ගතකරනු ලැබීය.
පාසල තුල තිබෙන වෙනත් බඹර කූඩු ඉවත් කිරීම සඳහා මුලතිව් ආපදා කළමනාකරණ ඒකකය ,පොලිසිය සහ ප්‍රදේශවාසීන් කටයුතුකරනු ලැබීය.
