මත්තල ගුවන් තොටුපොළ ගුවනින් නිරික්ෂණය කරමින් මව්බිම වටා ගුවන් සවාරියක් යාමට මෙරට පාසල් සිසුන් එකසිය විසිපස් දෙනකුට අද (27) අවස්ථාව උදාවිය.
දිවයිනේ විවිධ ප්රදේශවලින් තෝරාගත් දක්ෂ දරුවන් සියදෙනෙක් ද, සිවිල් ගුවන් සේවය පිහිටුවා වසර 100 ක් පිරීම නිමිත්තෙන් පැවති චිත්ර තරගයකින් ජයග්රහණය කළ දරුවන් විසිපස් දෙනෙක් ද මෙම ගුවන්ගමනට සහභාගී වූහ.
ඔවුන් ගුවන් ගමනක අත්දැකීම සහ ගුවන් ක්ෂේත්ර පිළිබඳ දැනුම ලබා දීමේ අරමුණින් ශ්රී ලංකන් ගුවන් සමාගම විසින් මෙම අවස්ථාව දුන්නේය.
ගුවන්ගමන සඳහා සියළු දරුවන් හට විශේෂ ගුවන්ගමන් බලපත්රයක් සකස් කර දී තිබූ අතර ගුවන්ගමනක් සඳහා අවශ්ය ලියකියවිලිද ඔවුන් අතට පත්කරනු ලැබීය.
මගීන් 150 කට ගමන් කළ හැකි ශ්රී ලංකන් ගුවන් සේවයට අයත් ඒ320-200 ගුවන්යානය අද පෙරවරු 9.45 ට පමණ කටුනායක ජාත්යන්තර ගුවන් තොටුපොළෙන් ගමන් අරැඹුවේ දරු දැරියන්ගේ සතුටු සිනහ සහ ඔල්වරසන් හඩ මැද්දේය.
මෙම බොහෝ දරුවන් කිසිදා ගුවන් තොටුපොළක් දැක නොතිබූ බවත් මෙය සිහිනයක් සැබෑ වූවාක් මෙන් දැනෙන බවත් මෙම දරුවෝ ගුවන් යානයේ කවුළු වලින් සිරි නරඹමින් පැවසූහ.
කපිතාන් සජිත් විජේසිංහ සහ කපිතාන් ප්රවීන් වෙත්තමුණි යානයේ ප්රධාන ගුවන් නියමුවෝ වූහ. කටුනායක සිට මුහුදු මට්ටමින් අඩි දොලොස්දාහක් උඩට නැංවූ ළමුන් රැගත් ගුවන් යානය මහනුවර, නුවරඑළිය, බංඩාරවෙළ, කාසල් රී ජලාශය, වික්ටෝරියා, රන්දෙනිගල, ලුණුගමිවෙහෙර, පිදුරුතලාගල, ශ්රී පාදස්ථානය දබලාගෙන මත්තල ගුවන්තොටුපොළ උඩින් පියාසර කළ අතර මෙම ස්ථානයදීම අඩි 7000 ත් 5000ත් අතර උඩින් යානය රඳවාගනිමින් දරු දැරියන්ට එම ස්ථාන ගුවනින් නිරික්ෂණය කිරීමේ අවස්ථාව ලබාදුන්හ.
ජීවිතයේ ප්රථම වතාවට ගුවන්ගමනක අසිරිය විඳි දරුවෝ ගුවන්යානය හරවන අවස්ථාවලදී උද්දාමයෙන් කෑගැසූහ.
මත්තල ගුවන්තොටුපොළ ගුවනින් නිරික්ෂණය කිරීමට අවස්ථාව සලසා දුන් ගුවන්නියමුවෝ පසුව හමිබන්තොට වරාය, තංගල්ල, මාතර, ගාල්ල දකුණු මුහුදු තීරය ඔස්සේ කොළඹට පැමිණ පැයකුත් විනාඩි විස්සක සාර්ථක ගුවන් ගමනක් අවසන්කොට යළි කටුනායක ජාත්යන්තර ගුවන් තොටුපොළට ළගා වුහ.
දරුවන්ට වරින්වර ගුවන් නියමු කුටියට යෑමට ඉඩ ලැබිණි
ශ්රී ලංකන් ගුවන්සමාගමේ පුහුණු කළමනාකාර ප්රිමල් ද සිල්වා, පුහුණු උපදේශක ෂෙවෝන් රුද්රගු යන මහත්වරුද සහභාගී වූහ. එහි ප්රධාන ගුවන්සේවකයින් ලෙස ගිහාක් එලිකේවල සහ ශිරාෂ් රෂ්මි ද කටයුතු කළ අතර අධීක්ෂණ නිලධාරීණීය ලෙස ශිරෝමාලා රත්නායක ද ගුවන්සේවිකාවන් ලෙස ලක්ෂිකා පෙරේරා මාන්ස් රොහාන් සහ ඩිලක් ගුරුසිංහ දමේ ගමනට එක් වුහ.
පපපපපප
මත්තල ගුවන් තොටුපොළ
.jpg)
හම්බන්තොට වරාය
