බදුල්ල මහියංගනය මාර්ගයේ 2 සහ 6 කනුව අතර ස්ථාන කිහිපයක පස් කඳු හා ගල් කඩා වැටෙමින් පවතින බව බදුල්ල පොලිසිය පවසයි
දුන්හිඳ වංගුව ආසන්නයේ පෙරදින රාත්රියේ පස් කන්දක් නායයාම නිසා එම මාර්ගයේ ගමනා ගමනය පැය 5 ක පමණ කාලයක් ඇණ හිටියේය. එම මාර්ගයේ එක් මංතිරුවක පමණක් වාහනය ධාවනය කෙරේ. බදුල්ල, උඩුවර 5 කණුව ප්රදේශයේ නිවාස 02 ක් නාය ගොස් ඇති අතර ඉන් එක් නිවසක් මේ වන විට මුළුමනින්ම විනාශ වී ඇත. එම අවස්ථාවේ නිවැසියන් නිවෙස් වලින් එළියට පැන දිවි බේරාගෙන තිබේ.
