නැති ගැබට බෙහෙත් දීලා
දෙහිවල සතුන් වත්තේ ඔටු දෙනක පැටවකු බිහිකරන්නට යතියි ලැබුණු පශු වෛද්ය උපදෙස් අනුව ඔටු දෙනට සත්කාර කරද්දී ඇය සෙනසුරාදා මිය ගියාය. එහෙත් රෝසි නම් එම ඔටු දෙනට ගැබක් නොතිබුණ බව දෙහිවල සතුන් වත්තේ අධ්යක්ෂ භාෂ්වර සේනාංක ගුණරත්න මහතා කියයි.
ඔටු දෙන ගැබිනියක බව ලැබුණු උපදෙස් අනුව ගැබට අවශ්ය ප්රතිකාර සඳහා බෙහෙත් හා වෙනත් දේටත් පශු වෛද්යවරියගේ ගමන් බිමන් සඳහාත් රුපියල් හැටදාහක් වැය කළ බවද අධ්යක්ෂවරයා කියයි.
ඔටු දෙන මියගියේ වැරැදි ප්රතිකාර නිසාදැයි දැන් සොයන බවද ඔහු පවසයි. මොස්කව් සතුන් වත්තෙන් 2004 සැප්තැම්බර් 18 වැනිදා ලංකාවට ලැබුණු රෝසිගේ වයස අවුරුදු අටකි. රෝසිගේ සැමියා ”බින්දු” දැන් තනිවී සිටියි.
