පියාගේ වර්ෂ පුර්ණ  පිංකම වෙනුවෙන්  ඔහුගේ දොස්තර  දු දරුවෝ  හය දෙනා  සෙසු සහෝදරයෝ  සිව් දෙනාද සමඟ  එක්ව ඔවුන් අකුරු කළ  කිරම  කෝන්කරහේන  කණිෂ්ට විද්‍යාලයයේදී   අද (29) වෛද්‍ය සායනයක් ඇරැඹිණි.

නොමිලේ ප්‍රතිකාර ලබා ගැනීමට දෙදහසකට අධික ගැමියෝ පිරිසක් එහි ආහ.

කෝන්කරහේන  අළු කැටියාවත්තේ පදිංචිව සිටි පෙදරේරුවකු වු ඩබ්ලිව් පී පියසේන (71) මහතා ඉකුත් වසරේ  සැප්තැම්බර් මස 29 වැනිදා  මිය ගියේය.

සිය පියාට පිං පිණිස ගාල්ල කරාපිටිය රෝහලේ  හදිසි ප්‍රතිකාර ඒකකයේ වෛද්‍ය රංජිත් ධර්ම කිර්ති (46) එම රෝහලේ වෛද්‍ය නිලධාරිනි පද්මා කුමාරී (32),ගාල්ල දිස්ත්‍රික් දන්ත ශල්‍ය වෛද්‍ය  නිමල් ධර්ම කීර්තී (44) වලස්මුල්ල  සෞඛ්‍ය වෛද්‍ය නිලධාරී  කාර්යාලයයේ වෛද්‍ය නිශාන්ත සිසිර කුමාර (38), ලුණුගම් වෙහෙර  සහකාර වනජීවී අධ්‍යක්ෂ  පශු වෛද්‍ය ආනන්ද ධර්ම කිර්ති (42), හා කරාපිටිය වෛද්‍ය පීඨයේ  අවසන් වසරේ ලක්මිණි චින්තා (25)  යන වෛද්‍ය දු දරුවෝ මේ සායනය සංවිධානය කළහ.

කාර්මික ඉංජිනේරු සරත් ධර්මකීර්ති (40) මැදමුලන කෘෂිකර්ම උපදේශක දුසන්ත සිසිර කුමාර (30), වලස්මුල්ල ප්‍රාදේශිය ලේකම් කාර්යාලයයේ  ඩබ්ලිව් පී  ඉන්ද්‍රාණි (36) හා රුහුණු විශ්ව විද්‍යාලයයේ  විද්‍යා පීඨයේ  උපාධි අපේක්ෂක  චාමර පුෂ්ප කුමාර (27) යන සහෝදර සහෝදර්යෝද ඊට සහාය වුහ.

ඔවුන්ගේ මව වු  විස්මුනිගේ  යන්දිනා (68) මහත්මිය වෛද්‍ය සායනය දැක බලා ගැනීමට පැමිණ සිටියාය.